Sangli News: शिराळा तालुक्यात चालू रब्बी हंगामासाठी तीन टप्प्यांत पेरण्या झाल्या असून आजअखेर सुमारे ९० टक्के पेरणी पूर्ण झाली आहे. ऊसतोड आटोपून शेतकरी मोठ्या प्रमाणावर रब्बीच्या पेरणीकडे वळले असून, यंदा पोषक हवामानामुळे पिके जोमात असल्याचे चित्र आहे..दीर्घकाळ पडलेल्या पावसामुळे खरीप हंगामात सुमारे ५० टक्के क्षेत्र मोकळे राहिले होते. खरीपातील नुकसान भरून काढण्यासाठी शेतकरी रब्बी हंगामावर भर देत आहेत. तालुक्यात ज्वारी व मक्याकडे शेतकऱ्यांचा कल वाढल्याने रब्बीचे क्षेत्र लक्षणीयरीत्या वाढले आहे..Rabi Sowing: सांगली जिल्ह्यात रब्बीचा शंभर टक्के पेरा.पावसाच्या उघडीपीनंतर जमिनीत पुरेसा ओलावा उपलब्ध झाल्याने रब्बी पेरणीला लवकर सुरुवात झाली. परिणामी तीन टप्प्यांत पेरण्या झाल्या आहेत..Rabi Sowing : बुलडाणा जिल्ह्यात रब्बी पेरणी १०० टक्के .तालुक्यात रब्बी ज्वारीची सर्वाधिक २,२२८ हेक्टरवर पेरणी झाली असून गहू ५५१ हेक्टर, मका ८६० हेक्टर आणि हरभरा ६२३ हेक्टर अशी एकूण ४,२६२ हेक्टर क्षेत्रावर रब्बी पिकांची पेरणी झाली आहे. पोषक वातावरणामुळे पिकांची वाढ चांगली असून पहिल्या टप्प्यात पेरलेली ज्वारी व गहू पिके सध्या पोटरीत आली आहेत. .अजूनही अनेक शेतकरी ऊस गळीतासाठी पाठवत असतानाच रब्बीची पेरणी करत आहेत. तर काही शेतकरी खरीपातील काढणी आटोपून रब्बी हंगामात गहू, मका, हरभरा, शाळू आदी पिके घेऊन झालेल्या नुकसानीची भरपाई करण्याचा प्रयत्न करत आहेत. यंदा समाधानकारक पर्जन्यमान झाल्याने रब्बीबरोबरच ऊसाचे क्षेत्रही वाढण्याची शक्यता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
