Nanded News: नांदेड प्रादेशिक सहसंचालक (साखर) कार्यालयाअंतर्गत नांदेड विभागात २९ साखर कारखाने सुरू आहेत. या कारखान्यांनी रविवारअखेर (ता. २८) ५२ लाख ११ हजार १६५ टन उसाचे गाळप केले तर ४४ लाख २१ हजार २९३ क्विंटल साखरेचे उत्पादन झाल्याची माहिती प्रादेशिक सहसंचालक (साखर) कार्यालयाच्या सूत्राने दिली..प्रादेशिक सहसंचालक (साखर), कार्यालय, नांदेड विभागातील नांदेडसह परभणी, हिंगोली व लातूर या चार जिल्ह्यांतून गाळप हंगाम २०२५-२६ साठी ३० कारखान्यांनी ऑनलाइन अर्ज केले होते. यातील आजपर्यंत २९ कारखान्यांना गाळप परवाना मिळाला आहे. यातील २९ कारखान्यांनी गाळप हंगाम सुरू केला आहे. .यात १९ खासगी तर १० सहकारी साखर कारखान्यांचा समावेश आहे. सध्या विभागात गाळपाला गती आहे. थंडीच्या कडाक्यातही ऊसतोड कामगार भल्या पहाटेपासून ऊस तोडणीच्या कामाला लागत आहेत. रविवारअखेर (ता. २८) ५२ लाख ११ हजार १६५ टन उसाचे गाळप केले तर ४४ लाख २१ हजार २९३ क्विंटल साखरेचे उत्पादन झाले आहे..Sugarcane Crushing Season: ऊस गाळपात यंदा ६६.४ टक्क्यांनी वाढ.साखरेचा सरासरी उतारा ८.५२ टक्के असल्याची माहिती साखर सहसंचालक कार्यालयाच्या सूत्राने दिली. नांदेड विभागात सर्वाधिक १२ साखर कारखाने लातूर जिल्ह्यात सुरू झाले आहेत. यात सहा साखगी तर सहा सहकारी कारखान्यांचा समावेश आहे. यानंतर परभणी जिल्ह्यात सहा कारखाने सुरूआहेत. हे सर्वच कारखाने खासगी आहेत. नांदेड जिल्ह्यात सहा काखान्यांनी गाळप सुरू केले आहे. यात पाच खासगी तर एक सहकारी काखान्याचा समावेश आहे. हिंगोली जिल्ह्यात पाच कारखाने सुरू झाले आहेत. यात दोन खासगी तर तीन सहकारी कारखान्यांनी गाळप सुरू केले आहे..Sugarcane Crushing Season: खानदेशात ७५ टक्के ऊस गाळपाच्या प्रतीक्षेत.गाळपात गंगाखेड, ट्वेन्टीवन शुगर आघाडीवरनांदेड विभागात यंदा लातूर जिल्ह्यातील ट्वेंटीवन शुगर लि. माळवटी (जि. लातूर) या कारखान्याने तीन लाख ६० हजार ५१४ टन उसाचे गाळप करुन आघाडी घेतली आहे. मागील काही वर्षांपासून परभणी जिल्ह्यातील गंगाखेड शुगर अँड एनर्जी लि. माखणी या खासगी कारखान्याने आजपर्यंत तीन लाख ६० हजार ३२० टन उसाचे गाळप करून आघाडी घेतली आहे. .तर त्यापाठोपाठ तर ट्वेन्टीवन शुगर सायखेडा (ता. सोनपेट) कारखान्याने तीन लाख ६ हजार ५३० टन उसाचे गाळप केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
