Akola News: शासनाने शेतकऱ्यांसाठी ॲग्रीस्टॅकअंतर्गत फार्मर आयडी नोंदणी बंधनकारक केली असून, यामार्फत प्रत्येक शेतकऱ्याला स्वतंत्र ओळख क्रमांक देण्यात येत आहे. या आयडीच्या आधारेच पुढे शासनाच्या विविध कृषी व कल्याणकारी योजनांचा लाभ देण्यात येणार आहे. मात्र, अकोला जिल्ह्यात अद्यापही ४१ हजार ९२ शेतकरी फार्मर आयडीपासून वंचित असल्याचे चित्र समोर आले आहे. त्यामुळे या शेतकऱ्यांना शासनाच्या लाभ योजनांपासून दूर राहण्याची भीती व्यक्त केली जात आहे..फेब्रुवारी २०२५ पासून कृषी व महसूल विभागाच्या संयुक्त विद्यमाने जिल्ह्यात फार्मर आयडी नोंदणीसाठी विशेष मोहीम राबविण्यात येत आहे. या मोहिमेअंतर्गत ८ डिसेंबर २०२५ अखेर २ लाख ५३ हजार ३४ शेतकऱ्यांनी नोंदणी पूर्ण केली असून त्यांना फार्मर आयडी प्राप्त झाले आहेत. तथापि, जिल्ह्यातील एकूण २ लाख ९४ हजार १२६ शेतकरी खातेदारांपैकी ४१ हजार ९२ शेतकरी अजूनही नोंदणीपासून दूर आहेत..Farmer ID: सोलापूर जिल्ह्यातील ७८ हजार शेतकऱ्यांचे फार्मर आयडी प्रलंबित.यावर्षीपासून शासनाने अतिवृष्टी आपत्ती निधी, पीकविमा योजना, पंतप्रधान शेतकरी सन्मान निधी (पीएम किसान) सह अनेक महत्त्वाच्या योजनांचा लाभ फार्मर आयडीशी संलग्न केला आहे. त्यामुळे फार्मर आयडी नसलेल्या शेतकऱ्यांना या योजनांचा लाभ मिळण्यास अडथळे निर्माण होणार आहेत. याबाबत महसूल व कृषी विभागाकडून सातत्याने जनजागृती केली जात असून, शेतकऱ्यांनी वेळेत नोंदणी करून घ्यावी, असे आवाहन करण्यात येत आहे..Farmer ID: फार्मर आयडीअभावी सव्वातीन हजार शेतकरी मदतीपासून वंचित.फार्मर आयडी तयार करण्यासाठी शेतकऱ्यांनी जवळच्या नागरी सुविधा केंद्रात (सीएससी) भेट देऊन नोंदणी करावी, असे निर्देश देण्यात आले आहेत..आवश्यक कागदपत्रेफार्मर आयडी नोंदणीसाठी मोबाईल क्रमांक, आधार कार्ड (मोबाईलशी लिंक असलेले), बँक खात्याशी लिंक असलेला मोबाईल क्रमांक, सातबारा उतारा व गाव नमुना ८-अ ही कागदपत्रे आवश्यक आहेत. संबंधित कागदपत्रांसह तातडीने नोंदणी पूर्ण करावी, अन्यथा शासनाच्या विविध योजनांच्या लाभापासून वंचित राहावे लागू शकते, असा इशारा प्रशासनाकडून देण्यात आला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
