Solapur News: ग्रामदैवत श्री सिद्धरामेश्वर यात्रेनिमित्त विजापूर रस्त्यावरील ए. जी. पाटील महाविद्यालयाच्या जवळील देवस्थानच्या जागेवर भरविलेल्या जनावर बाजारात ४०० म्हशींची खरेदी-विक्री झाली आहे. यात्रेनिमित्त १३ जानेवारीपासून भरविलेल्या या जनावर विक्री व प्रदर्शनात सुमारे १० हजारांहून अधिक जनावरे दाखल झाली आहेत. यात म्हशींची संख्या मोठी आहे..यात मुरा, जाफराबादी व पंढरपुरी म्हशींना मोठी मागणी आहे. शिवाय खिलार जातीच्या गाय, म्हैस व खोंडही विकले गेले आहेत. पण त्यांना मागणी नसल्याचे दिसून आले आहे..Malegaon Yatra: ग्रामीण अर्थव्यवस्थेचा केंद्रबिंदू ठरतेय माळेगाव यात्रा.ट्रॅक्टरचा वापर वाढल्याने बैलांना मागणी कमी झाल्याचे व्यापाऱ्यांनी सांगितले. गेल्या आठवडाभरात सुमारे ४०० म्हशींची विक्री झाली आहे. खरेदीसाठी शेजारच्या कर्नाटक, आंध्रप्रदेश व तेलंगणातून व्यापारी आले आहेत. जनावर बाजारासाठी समितीचे अध्यक्ष नीलकंठप्पा कोनापुरे, काशिनाथ दर्गोपाटील, मल्लिनाथ मसरे, शिवकुमार पाटील यांनी परिश्रम घेतले..Sarangkheda Yatra: सारंगखेड्यातील यात्रेला शेकडो भाविकांची हजेरी.आतापर्यंत ३००-४०० म्हशी विकल्या गेल्या आहेत. म्हशीच्या दरात २० हजार रुपयांची वाढ झाली आहे. एक म्हैस दोन लाखाला विकली गेली आहे. ती हैदराबादच्या व्यापाऱ्याने खरेदी केली आहे.- महिबूब जतकर, जनावर व्यापारी, सोलापूर.जनावर बाजारात म्हशींना मोठी मागणी आहे. त्या तुलनेत बैलांना मागणी नाही. बाजारातील खरेदी-विक्रीतून देवस्थानला सुमारे पाच लाखांचे उत्पन्न मिळाले आहे.- नीलकंठप्पा कोनापुरे, अध्यक्ष, श्री सिद्धरामेश्वर यात्रा जनावर बाजार समिती, सोलापूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
