Kolhapur News: राज्यातील ४० साखर कारखान्यांनी अजूनही ऊस उत्पादकांची संपूर्ण ‘एफआरपी’ (रास्त आणि किफायतशीर दर) दिलेली नाही. ऑक्टोबरअखेर १६० साखर कारखान्यांनी गेल्या हंगामातील एफआरपीची पूर्ण रक्कम दिली आहे. .तर ३८ कारखान्यांनी ८० ते ९९ टक्के रक्कम दिली आहे. २८ साखर कारखान्यांना एफआरपी दिली नसल्याने ‘आरआरसी’च्या (महसूल वसुली प्रमाणपत्र) नोटिसा दिल्या आहेत. एफआरपीचे अजून १५० कोटी रुपये या कारखान्यांकडे शिल्लक आहेत..Sugarcane FRP: ‘एफआरपी’पेक्षा १०० रुपये अधिकचा दर.यंदाचा गळीत हंगाम सुरू झाला तरी अद्याप काही कारखान्यांनी गेल्या वर्षीची एफआरपीची रक्कम दिली नसल्याचे उघड झाले आहे. गेल्या हंगामात २०० साखर कारखान्यांनी हंगाम सुरू केला होता..या कारखान्यांनी ८५५ लाख टन ऊस गाळप केला होता. गेल्या काही दिवसांपासून विशेष करून पश्चिम महाराष्ट्रामध्ये थकित एफआरपीच्या मुद्द्यावरून शेतकरी संघटनांनी रान उठवले आहे. केंद्र सरकारने एक रकमी एफआरपी १५ दिवसांच्या आत द्यावी असा नियम केलेला आहे..Sugarcane Payment: निवडणुकीच्या गाळपात ऊसदराचा विसर.असे असतानाही ४० कारखान्यांनी गेला हंगाम संपला असताना अद्यापही एफआरपीची पूर्ण रक्कम शेतकऱ्यांच्या हातात दिलेली नाही. साखर आयुक्तालयाने या संदर्भात कारखान्यांना ‘आरआरसी’च्या नोटिसा दिल्या आहेत. अजूनही या कारखान्यांकडून एफआरपी देण्याबाबतच्या हालचाली सुरू झाल्या नाहीत..साखर आयुक्त कार्यालयामध्ये याबाबतची सुनावणी सुरू असल्याचे सांगण्यात आले. गेल्या हंगामात अनेक कारखान्यांना गाळपाचे उद्दिष्ट साध्य करता आले नव्हते. मात्र कारखान्यांनाही उद्दिष्टापेक्षा १५ ते २० टक्क्यांनी गाळप कमी करावे लागले..कारखान्यांचे अर्थशास्त्र बिघडल्याने व मराठवाड्यातील अनेक कारखान्यांना एफआरपीची रक्कम देताना अडचणी आल्याचे सूत्रांनी सांगितले. पश्चिम महाराष्ट्रामध्ये एफआरपीची संपूर्ण रक्कम देणाऱ्या कारखान्यांचे प्रमाण लक्षणीय आहे. सोलापूर, सातारा, अहिल्यानगर, धाराशिव जिल्ह्यांतील कारखान्यांची एफआरपी थकीत असल्याचे चित्र आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
