Parbhani News: परभणी जिल्ह्यात महाराष्ट्र सावकारी (नियमन) अधिनियम २०१४ कायदा अमलात आल्यापासून आजवर अवैध सावकारांनी बळकावलेली ३९.१२ हेक्टर जमीन शेतकऱ्यांना परत केली आहे. २०१४ पासून ३२ अवैध सावकारांवर धाडी टाकण्यात आल्या असून, १० अवैध सावकारांवर गुन्हे नोंद करण्यात आलेला आहे, अशी माहिती जिल्हा उपनिबंधक (सहकारी संस्था) संजय भालेराव यांनी दिली..परभणी जिल्ह्यात एकूण १३४ परवानाधारक सावकार कार्यरत आहेत. राज्य शासनाच्या सप्टेंबर २०२४ मधील राजपत्रानुसार परवानाधारक सावकारांनी आकारावयाच्या व्याजदरांची मर्यादा निश्चित करण्यात आली आहे..Farmer Relief: चार लाखांवर शेतकऱ्यांना अतिवृष्टीच्या अनुदानाचे वितरण .त्यानुसार शेतकऱ्यांसाठी तारण कर्जावर ९ टक्के प्रति वर्ष व विनातारण कर्जावर १२ टक्के प्रति वर्ष इतका व्याजदर आहे. शेतकऱ्यांव्यतिरिक्त इतर व्यक्तींसाठी तारण कर्जावर १५ टक्के प्रतिवर्ष व विनातारण कर्जावर १८ टक्के प्रति वर्ष व्याजदर निश्चित करण्यात आला आहे..Farmer Relief: महापुरात जमीन खरडून गेलेल्या शेतकऱ्यांना ५७ कोटी रुपये मंजूर.अवैध सावकारीमुळे पीडित शेतकरी व नागरिकांनी न घाबरता जिल्हा उपनिबंधक सहकारी संस्था तथा सावकारांचे जिल्हा निबंधक यांच्या परभणी येथील शिवाजीनगर येथील कार्यालयात किंवा जिल्हा उपनिबंधक (सहकारी संस्था) संजय भालेराव, मोबाइल क्रमांक ९५४५३६७८७७) येथे तक्रार दाखल करावी. तक्रारदाराचे नाव पूर्णपणे गोपनीय ठेवण्यात येईल..जिल्ह्यातील गरजू शेतकरी व नागरिकांनी विनापरवाना सावकारांकडून कर्ज घेऊ नये. सहकार विभागाने परवाना दिलेल्या सावकारांकडूनच कर्ज घ्यावे. त्यामुळे अवैध सावकारीला आळा बसण्यास मदत होईल. तसेच कर्जदारांचे आर्थिक शोषण थांबेल, असे आवाहन जिल्हाधिकारी संजयसिंह चव्हाण यांनी केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
