Akola News: वीजबिलाच्या वसुलीसोबत वीज चोरीविरूध्द महावितरणच्या अकोट विभागात राबविण्यात आलेल्या धडक मोहिमेत ३७ वीज चोरांविरूध्द कारवाई करण्यात आली. असून त्यांना १० लाख रुपयांचा दंड लावण्यात आला आहे. दंड न भरल्यास त्यांच्यावर फौजदारी दाखल करण्यात येणार असल्याची माहिती कार्यकारी अभियंता संजय कुटे यांनी दिली आहे..अकोट विभागात वीज चोरीवर नियंत्रण मिळविण्यासाठी धडक मोहीम राबविण्याचे निर्देश मुख्य अभियंता राजेश नाईक यांनी दिले आहे. त्यामुळे अधीक्षक अभियंता प्रतिक्षा शंभरकर यांच्या मार्गदर्शनात आणि कार्यकारी अभियंता संजय कुटे यांच्या पुढाकाराने अकोट विभागातील प्रत्येक कर्मचाऱ्यांना वीज चोरी पकडण्याचे उद्दिष्ट नेमून देण्यात आले. .Electricity Theft : तीन महिन्यांत परिमंडळात ६९३ वीजचोरीचे प्रकार .असून दररोज केलेल्या कारवाईचा विभागीय कार्यालयाकडून आढावा घेण्यात येत आहे. त्यामुळे अकोट विभागातील सावरा, चोहोटा, पणज आणि अकोट शहरात केलेल्या धडक कारवाईत १० लाखाची वीज चोरी होत असल्याचे उघड करण्यात आले..Electricity Theft : छत्रपती संभाजीनगर परिमंडलात वर्षभरात वीज चोरीची ४४२५ प्रकरणे उघड.वीज चोरी करताना पकडले गेल्यास विद्युत कायदा २००३ च्या तरतुदीस अधीन राहून कलम १३५ नुसार कारवाई केली जाते. पहिल्यांदा तडजोडपोटी आर्थिक स्वरूपातील दंड आकारला जातो; तर दुसऱ्यांदा कारवाई झाल्यास फौजदारी गुन्हा दाखल होतो.शिवाय कायद्यात तीन वर्षापर्यंत शिक्षेची तरतूद करण्यात आलेली आहे..महावितरणची वीज चोरीविरूध्द असलेली मोहीम यापुढे नियमित चालणार असून,सुरळीत वीज पुरवठ्यास अडथळा ठरणाऱ्या आणि महावितरणचे आर्थिक नुकसान करणाऱ्यांवर धडक कारवाई करण्यात येणार असल्याचेही कार्यकारी अभियंता यांनी स्पष्ट केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
