Amaravati News : जुलै व ऑगस्टमध्ये झालेल्या अतिवृष्टीने नुकसान झालेल्या शेतकऱ्यांना आता नुकसानभरपाईची आस आहे. कृषी व महसूल विभागाने नुकसानग्रस्त क्षेत्राचे पंचनामे केले असले तरी जिल्ह्यातील सहा तालुक्यांतील संयुक्त अहवाल अद्याप आले नसल्याने शासनाकडे मदतीसाठी पाठविण्याचा प्रस्ताव रखडला आहे. .जिल्ह्यातील ३५ हजारांवर शेतकऱ्यांचे नुकसान झाल्याचा प्राथमिक अहवाल आहे. जुलै व ऑगस्टमध्ये झालेल्या पावसाने जिल्ह्यातील ५२ हजार हेक्टरवर क्षेत्रातील पिकांचे नुकसान झाले असल्याचा प्राथमिक अहवाल आहे. चौदाही तालुक्यांत सोयाबीनसह कापूस, मूग, उडीद, तीळ, ज्वारी, मका, भाजीपाला व फळपिकांचे नुकसान झाले आहे..Crop Damage Compensation : नुकसानग्रस्तांना सरसकट भरपाई त्वरित द्या ः खासदार शिंदे.काही तालुक्यांत जमीन खरडून गेली आहे. या क्षेत्रात पुन्हा पिके घेणे अशक्य असल्याने नुकसानभरपाई देण्याचे धोरण असून त्यासाठी संयुक्त पंचनामे व नुकसानभरपाईचा प्रस्ताव जिल्हा प्रशासनाकडून शासनाकडे जाणे अपेक्षित आहे. .चौदापैकी सहा तालुक्यांतून अद्याप संयुक्त पंचनामे आले नसल्याने जिल्हा प्रशासनाची अडचण झाली आहे. अमरावती, भातकुली, तिवसा, अंजनगावसुर्जी व चांदूररेल्वे या तालुक्यांचे अहवाल अप्राप्त आहेत..Crop Damage Compensation : नुकसानग्रस्त सर्व शेतकऱ्यांना मदत मिळणारच.जून महिन्यातील नुकसानीचे प्रस्ताव शासनाकडे पाठविण्यात आले असल्याची माहिती जिल्हा प्रशासनाने दिली आहे. यामध्ये १९ हजार ९६९ शेतकऱ्यांचा समावेश असून २३.६९ कोटी रुपयांच्या नुकसानभरपाईचा प्रस्ताव आहे. .ती अद्याप शेतकऱ्यांना मिळालेली नाही. जुलै व ऑगस्टमध्ये अतिवृष्टीने नुकसान झालेल्या शेतकऱ्यांना मदतीसाठी प्रस्ताव तयार करण्यात येत आहे. सर्व तालुक्यांचे प्रस्ताव आल्याशिवाय शासनाकडे मदतीचा प्रस्ताव पाठविण्यात अडचणी असल्याचे जिल्हा प्रशासनाकडून सांगण्यात आले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
