Buldanan News: बुलडाणा जिल्ह्यात यावर्षी जून ते सप्टेंबर या कालावधीत झालेल्या अतिवृष्टी व पुरामुळे बाधित झालेल्या फार्मर नोंदणीकृत ५ लाख ६ हजार ८३१ शेतकऱ्यांच्या बॅंक खात्यात ३५० कोटी रुपयांची मदत डीबीटीद्वारे जमा करण्यात आली आहे. .अनेकांचे फार्मर आयडी नसल्यामुळे नुकसान भरपाई वितरित करण्यात अडचणी येत असून उर्वरित शेतकऱ्यांनी तत्काळ आपला फार्मर आयडी काढण्याचे आवाहन जिल्हाधिकारी डॉ. किरण पाटील यांनी केले आहे.शेतकरी ओळख क्रमांक (फार्मर आयडी) असलेल्या शेतकऱ्यांच्याच बॅंक खात्यात नुकसानभरपाईची ही मदत जमा करण्यात आली आहे..Maharashtra Flood Relief : महाराष्ट्रातील नुकसानग्रस्त शेतकऱ्यांना भरीव मदत करणार.परंतु उर्वरित शेतकऱ्यांनी अद्यापही आपले फार्मर आयडी काढलेले नसल्याने शेती पीक नुकसान भरपाई मिळण्यात अडचणी निर्माण होत आहे. त्यामुळे शेतकऱ्यांनी ॲग्रिस्टॅक योजनेअंतर्गत जवळच्या सीएससी केंद्रावरजाऊन आपला फार्मर आयडी तत्काळ तयार करून घ्यावेत, असे आवाहन पाटील यांनी केले आहे..Crop Damage Compensation : नुकसानग्रस्त शेतकऱ्यांना भरपाई.फार्मर आयडीशिवाय लाभ अशक्यजिल्ह्यातील सर्व संयुक्त खातेदार व सामाईक खातेदारांनी प्रत्येक सहधारकांचा शेतकरी ओळख क्रमांक (फार्मर आयडी) तयार करून घ्यावा. मदतीचा लाभ घेण्यासाठी सामाईक शेती असलेल्या लाभधारक शेतकऱ्यांनी संमतिपत्र सादर करणे आवश्यक आहे. या योजनेअंतर्गत शेतकऱ्यांना विविध सरकारी योजनांचा लाभ घेण्यासाठी फार्मर आयडी आवश्यक असून शेतकरीओळख क्रमांक असेल तरच शेतकऱ्यांना विविध योजनांचा लाभ वितरित करण्यातयेणार आहे. तसेच, लाभार्थ्यांना वारंवार प्रमाणीकरण (ई-केवायसी) ची आवश्यकता राहणार नाही..अॅग्रिस्टॅक नोंदणी तातडीने करा...ज्या शेतकऱ्यांची अॅग्रिस्टॅकमध्ये नोंदणी होऊन ई-केवायसी झाली आहे, अशा शेतकऱ्यांची माहिती डीबीटी प्रणालीवर भरलेल्या माहितीशी जुळत असेल तर अशांना मदत मिळणे सुलभ व सुकर होण्यासाठी ई-केवायसी प्रक्रियेपासून सूट द्यावी, असे निर्देश आहेत. त्यामुळे बुलडाणा जिल्ह्यातील सर्व शेतकऱ्यांनी अॅग्रिस्टॅकअंतर्गत आपला शेतकरी ओळख क्रमांक (फार्मर आयडी) जवळच्या सीएससी सेंटरवर जाऊन तत्काळ तयार करून घ्यावा, असे आवाहन डॉ. पाटील यांनी केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
