Nashik News : नाशिक जिल्हा बँकेची थकबाकी असल्याने हा कारखाना नाशिक येथील बी. टी. कडलग कन्स्ट्रक्शन प्रा. लि. यांना २५ वर्षे मुदतीने भाडेतत्त्वावर चालविण्यास देण्यात आला. मात्र त्यांनी अद्याप तो सुरू केला नाही. या कारखान्याचे भंगार परस्पर विकून २५ ते ३० कोटींचा अपहार झाला आहे. .कारखान्याच्या विक्रीत स्थानिक राजकीय पुढाऱ्यांना कमालीचा रस आहे, असा आरोप शिवसेनेचे (उद्धव बाळासाहेब ठाकरे गट) राज्यसभा खासदार संजय राऊत यांनी केला आहे. याबाबत त्यांनी सहकार मंत्री अमित शाह यांना पत्र लिहिले आहे..Cooperative sugar Mill : ‘निसाका’ सभासद, कामगारांच्या कष्टातून उभा.आर्थिक अनागोंदी व संचालकांच्या भ्रष्टाचारामुळे सहकारी तत्त्वावरील निफाड सहकारी साखर कारखाना २०१३-१४ च्या गळीत हंगामापासून बंद आहे. त्यामुळे जिल्हा बँकेकडून कारखाना सुरू करण्यासाठी बी. टी. कडलग कन्स्ट्रक्शन प्रा. लि. यांना भाडेतत्त्वावर चालविण्यास देण्या आला..तरीही हा कारखाना चालू झालेला नाही. त्यामुळे कारखान्यातील कामगार व त्यांच्यावर असलेल्या कुटुंबाच्या जगण्या-मरण्याचा प्रश्न निर्माण झाला आहे. कामगारांची ग्रॅच्युईटी, वेतन, पगार थकले आहेत. ही थकबाकी कायम असताना, कामगार वर्ग न्यायासाठी संघर्ष करीत असताना नाशिक जिल्हा मध्यवर्ती सहकारी बँकेने कारखाना विक्रीचा घाट घातला आहे. यात फार मोठा गैरव्यवहार सुरू असल्याचे श्री. राऊत यांनी पत्रात म्हटले आहे. .Nisaka Protest: ‘निसाका’ बचावसाठी सर्वपक्षीयांचा एल्गार .केंद्रीय सहकार मंत्रालयाने कठोर पावले उचलावीतनिफाड सहकारी साखर कारखान्याच्या विक्रीत स्थानिक राजकीय पुढाऱ्यांना कमालीचा रस आहे. या कारखान्यातील भंगार परस्पर विकून २५ ते ३० कोटींचा अपहार झाला पण आतापर्यंत कामगारांना त्यांचे थकित वेतन मिळू शकले नाही. केंद्रीय सहकार मंत्रालयाने कठोर पावले उचलली तर हा कारखाना पुन्हा सुरू होईल. .असंख्य लोकांच्या विझलेल्या चुली पेटतील. आपण स्वतः लक्ष घालून हा कारखाना पुन्हा सुरू करावा ही समस्त कामगारांची मागणी आहे. या संबंधीचे निफाड साखर कामगार सभेतर्फे कामगारांचे प्रश्न मांडणारे निवेदन त्यांनी माहितीसाठी समवेत जोडले आहे. याबाबत लक्ष घालून कामगारांना न्याय द्यावा. कामगारांच्या प्रतिनिधींना दिल्लीत चर्चेसाठी बोलावल्यास बरे होईल, असेही श्री. राऊत यांनी पत्रात म्हटले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
