Solapur News: सोलापूर जिल्ह्यातील विविध साखर कारखान्यांकडून गतवर्षीच्या गळीत हंगामात थकलेली एफआरपीची २८ कोटी ३० लाख २८ हजार रुपयांची रक्कम आता १५ टक्के व्याजासह वसूल होणार आहे. ही रक्कम वसूल करून संबंधित ऊस उत्पादक शेतकऱ्यांना देण्यासाठी सोलापूर जिल्हाधिकाऱ्यांना प्राधिकृत अधिकारी म्हणून नेमण्यात आले आहे..साखर आयुक्तालयातील साखर संचालक (अर्थ) यशवंत गिरी यांनी आरआरसी अंतर्गत कारवाई करण्याचे आदेश दिले असून, आवश्यक असल्यास संबंधित कारखान्यांची साखर, बगॅस तसेच स्थावर-जंगम मालमत्ता जप्त व विक्री करून रक्कम वसूल करण्यासही परवानगी दिली आहे. त्यामुळे शेतकऱ्यांना थकलेली एफआरपी व्याजासह मिळण्याचा मार्ग अखेर मोकळा झाला आहे..Sugarcane FRP Dues : थकित एफआरपीबाबत १५ डिसेंबरपर्यंत तोडगा काढा.या कारखान्यांकडे गतवर्षीची एफआरपी थकलेली असून, साखर आयुक्तालयाने दिलेल्या आदेशांनुसार ही रक्कम आता व्याजासह वसूल करण्याची प्रक्रिया तातडीने सुरू होणार आहे. विशेष म्हणजे काही कारखान्यांनी यंदाचा ऊसदर जाहीर केला असला, तरी गतवर्षीचे थकीत देयक न भरल्याने शेतकऱयातून तीव्र संताप व्यक्त होत आहे....या कारखान्यांकडे ‘एफआरपी’ थकलेलीमातोश्री शुगर, गोकुळ शुगर, जयहिंद शुगर, संत दामाजी सहकारी साखर कारखाना,सिद्धनाथ शुगर, धाराशिव शुगर, श्री सिद्धेश्वर सहकारी साखर कारखाना, भीमा सहकारी साखर कारखाना, भैरवनाथ शुगर, लवंगी, भैरवनाथ शुगर या कारखान्यांकडे एफआरपी थकलेली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
