Dharashiv News : प्रकल्पांतील वेगाने वाढलेल्या पाणीसाठ्याला मागील आठ-दहा दिवसांत पावसाने दिलेल्या उघडिपीमुळे ब्रेक लागला आहे. प्रकल्पांत होणारी पाण्याची आवक लक्षणीयरीत्या घटली असून, आठवडाभरात केवळ एक टक्का पाणीसाठ्याची भर पडली आहे. त्यामुळे जिल्ह्यातील २२६ प्रकल्पांतील उपयुक्त पाणीसाठा ८० टक्क्यांवर, तर एकूण पाणीसाठा ९१ टक्क्यांवर गेला आहे..जिल्ह्यात लहान, मध्यम आणि मोठे असे मिळून एकूण २२६ प्रकल्प आहेत. त्यातील १२६ प्रकल्प १०० टक्के भरले आहेत. मागील आठवड्यापर्यंत प्रकल्पांत पाण्याची मोठी आवक होत होती. मात्र, पावसाने विश्रांती घेतल्याने ही आवक घटली आहे. .Dam Water Storage: देशातील धरणांमध्ये ८६ टक्के पाणीसाठा; सप्टेंबरमध्येही चांगल्या पावसाचा अंदाज.२२६ प्रकल्पांची एकूण पाणीसाठा क्षमता ८६१.८६५ दशलक्ष घनमीटर आहे. त्यापैकी प्रकल्पांत एकूण पाणीसाठा ७१८.०५६ दलघमी झालेला आहे, तर उपयुक्त पाणीसाठा क्षमता ७२८.८०४ दलघमी असून, सध्या प्रकल्पांत ५८३.६६७ दलघमी इतका पाणीसाठा उपलब्ध झालेला आहे..एकूण १०० टक्के भरलेल्या १२६ प्रकल्पांत ११२ लघू, मध्यम १३ आणि एका मोठ्या प्रकल्पाचा समावेश आहे, तसेच इतर २० प्रकल्प भरण्याच्या मार्गावर असून, त्यामध्ये ७५ टक्क्यांवर उपयुक्त पाणीसाठा उपलब्ध आहे. या प्रकल्पांत १८ लघू आणि दोन मध्यम प्रकल्प आहेत. .याशिवाय २२ प्रकल्पांत ५० ते ७५ टक्क्यांदरम्यान उपयुक्त पाणीसाठा आहे; तसेच २५ ते ५० टक्के उपयुक्त पाणीसाठा असलेले सध्या २९ प्रकल्प आहेत. २५ टक्क्यांपेक्षा कमी पाणीसाठा असलेले १९ प्रकल्प आहेत, तर जोत्याखाली दहा प्रकल्प आहेत..Khandesh water Storage : खानदेशात जलसाठा मुबलक.सीना कोळेगावमधील विसर्ग निम्म्याने घटविलाजिल्ह्यात सर्वात मोठ्या आणि १०० टक्के भरलेल्या सीना कोळेगाव प्रकल्पाची पाणीसाठा क्षमता १५० दलघमी आहे. या प्रकल्पात गुरुवारी (ता. ११) १०० टक्के म्हणजे १५० दलघमी पाणीसाठा उपलब्ध आहे. .त्यातील ६१ दलघमी पाणीसाठा मृतसाठ्यात गणला जातो. त्यामुळे उपयुक्त पाणीसाठा ८९ दलघमी इतका वापरात येतो. गुरुवारी या प्रकल्पातून तीन हजार ११७ क्युसेकने विसर्ग सीना नदीत सुरू होता. मागील आठवड्यात हाच विसर्ग सहा हजार ३४३ क्युसेकने सुरू होता. पाण्याची आवक कमी झाल्याने हा विसर्ग जवळपास निम्म्याने घटविण्यात आला आहे.प्रकल्पांतील पाणीसाठा स्थिती (दलघमीमध्ये)प्रकल्प एकूण क्षमता प्रत्यक्ष साठा उपयुक्त पाणीसाठा टक्केसीना कोळेगाव १५०.४९१ १५०.४९१ १००मध्यम प्रकल्प (१७) २२८.४५७ २१२.८०७ ९२.३९लघू प्रकल्प (२०८) ४८२.९१७ ३५४.७५८ ७०.१६एकूण (२२६) ८८१.८६५ ७१८.०५६ ८०.९.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
