Pune News: महाडीबीटीमधील आधीची ‘लॉटरी’ पद्धत रद्द करून ‘प्रथम येणाऱ्यास प्रथम प्राधान्य’ तत्त्व घाईघाईने लागू करणाऱ्या सरकारी यंत्रणेने राज्यातील शेतकऱ्यांची झोप उडविली आहे. कारण ठिबक अनुदानासाठी शेतकऱ्यांनी भरलेले २० हजार अर्ज आता संगणकीय प्रणालीतून गायब झाले आहेत..कृषी विभागाने ठिबकसाठी अनुदानाचे गाजर दाखवून गेल्या चार वर्षांत लाखो अर्ज गोळा केले. मात्र त्यांची वेळेत सोडत काढली नाही. या दिरंगाईचे खापर लॉटरी पद्धतीवर फोडण्यात आले. अलीकडेच लॉटरी पद्धत बंद करून प्रथम येणाऱ्यास प्रथम प्राधान्य ही पद्धत लागू करण्यात आली. नवीन पद्धत जलद असेल, असे सांगण्यात आले. परंतु या पद्धतीत देखील गोंधळ असल्याचे आता स्पष्ट होत आहे..Agriculture Scheme: शेतकऱ्यांना ठिबकसाठी ९७ हजार तर तुषार सिंचनासाठी ४७ हजारांपर्यंत मिळणार अनुदान .सूत्रांच्या म्हणण्यानुसार, जुन्या पद्धतीत बदल करताना संगणकीय प्रणालीच्या व्यवस्थापनाकडे दुर्लक्ष झाले. यामुळेच ‘महाडीबीटी’त ‘अॅटोडिलिट’चा ‘ऑप्शन’ अचानक सक्रिय झाला व त्यातून हजारो शेतकऱ्यांचे अर्ज बाद झाले आहेत. यात पूर्वसंमतीसाठी आलेले आणि पूर्वसंमती मिळालेले, अशा दोन्ही गटातील अर्जांचा समावेश आहे..संगणकीय प्रणालीतून अर्ज गायब झाल्याचे निदर्शनास येताच राज्यभरातून कृषी विभागाकडे तक्रारी येऊ लागल्या आहेत. याबाबत फलोत्पादन संचालक अंकुश माने व उपसंचालक संजय सूर्यवंशी यांनी तातडीने लक्ष घालून महाडीबीटी यंत्रणेला पत्र देण्याचा निर्णय घेतल्याचे सांगण्यात आले..Agriculture Scheme: शेततळ्यासाठी २ लाखांपर्यंत मिळणार अनुदान; शेतकऱ्यांसाठी सरकारची योजना.‘‘अर्ज रद्द करण्याचा आदेश कृषी विभागाने दिलेला नव्हता. मात्र हे कसे घडले याविषयी महाडीबीटीचे तंत्रज्ञच स्पष्टीकरण देऊ शकतील. परंतु, शेतकऱ्यांची अडचण लवकरच दूर होईल, असे वाटते. नेमके किती अर्ज संगणकीय प्रणालीने रद्द केले हे स्पष्ट झालेले नाही. परंतु रद्द झालेले सर्व अर्ज पुनरुज्जीवित करा, असे पत्र महाडीबीटीला देण्यात येईल,’’ असे कृषी विभागाच्या सूत्रांनी सांगितले..‘त्या’ अडीच लाख अर्जांना धोका नाहीठिबक अनुदान वाटपासाठी राज्यातील १.०२ लाख अर्जांची पहिली यादी २१ मे रोजी व १.२४ लाख शेतकऱ्यांची दुसरी यादी ८ ऑगस्ट रोजी जाहीर करण्यात आली. संगणकीय प्रणालीत या दोन्ही याद्या योग्य स्थितीत आहेत. त्यामुळे या याद्यांमधील शेतकऱ्यांनी काळजी करू नये. परंतु डिलिट झालेले अर्ज २०२० ते २०२४ या कालावधीतील आहेत. त्यांचा शोध घेतला जात आहे, असे सूत्रांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
