Pune News: शेतमालाच्या निर्यात व्यवसायात गुंतवणूक केल्यास दुप्पट परतावा देण्याचे आमिष दाखवून शेतकऱ्यांसह शेकडो गुंतवणूकदारांची १५ कोटी रुपयांची फसवणूक करण्यात आली. या गुन्ह्याची व्याप्ती पुण्यासह राज्यभरात असून, याचा तपास आर्थिक गुन्हे शाखेकडून करण्यात येत आहे. .प्रशांत अनिल गवळी (रा. हडपसर) असे गुन्हा दाखल झालेल्या संशयित आरोपीचे नाव आहे. हा प्रकार हडपसर येथील मगरपट्टा रस्ता परिसरातील समर्थ क्रॉप केअर कंपनीमध्ये घडला. या प्रकरणी सोमवार पेठेतील एका ६१ वर्षीय महिलेने फिर्याद दिली आहे..Cotton Scam: व्यापाऱ्यांच्या कवडीमोल कापसाला सर्वोच्च प्रतवारी.पोलिसांनी दिलेल्या माहितीनुसार, गवळी याने स्वतःला ‘मानद व्यापार आयुक्त’ अशी बेकायदेशीर पदवी धारण करून शेतकरी आणि नागरिकांचा विश्वास संपादन केला. शेतमालाच्या निर्यात व्यवसायातून मोठा नफा मिळत असल्याचा दावा करत, गुंतवणुकीवर दहा टक्के परतावा किंवा २० महिन्यांत गुंतवणुकीवर दुप्पट रक्कम देण्याचे आमिष त्याने दाखवले..Agri Export Fraud : शेतकऱ्यांना दुप्पट परताव्याचं आमिष दाखवून गंडा; १५ कोटी रुपयांवर डल्ला.सुरुवातीला दोन ते तीन महिन्यांपर्यंत काही गुंतवणूकदारांना परताव्यापोटी थोडी रक्कम देऊन विश्वास संपादन केला. त्यामुळे अनेकांनी गुंतवणूक केली. मात्र, कोणताही परतावा देण्यात आला नाही..तीसहून अधिक गुंतवणूकदारांनी तक्रार दिली आहे. त्यांचे जबाब नोंदविले आहेत. या प्रकरणात पुणे, बीड, धाराशिव, अहिल्यानगर, सोलापूरसह इतर शहरांतील काही नागरिकांनी या कंपनीत गुंतवणूक केली आहे. फसवणुकीचा आकडा वाढण्याची शक्यता आहे. विवेक मासाळ, पोलिस उपायुक्त, आर्थिक गुन्हे शाखा, पुणे.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
