Satara Agriculture News : पुण्यश्लोक अहिल्यादेवी होळकर शेतकरी कर्जमुक्ती योजनेंतर्गत पहिल्या टप्प्यात जिल्ह्यातील १९ हजार ५८ कर्जखात्यांना लाभ मिळाला आहे. त्यासाठी १४२ कोटी सात लाख ३९ हजार २८४ रुपये संबंधित शेतकऱ्यांच्या खात्यांवर जमा करण्यात आले आहेत, अशी माहिती जिल्हाधिकारी संतोष पाटील यांनी दिली..कर्जमुक्ती योजनेत जिल्हा मध्यवर्ती सहकारी बँकेच्या सर्वाधिक १६ हजार ९९५ कर्जखात्यांना लाभ मिळाला आहे. या खात्यांवर एकूण १२२ कोटी नऊ लाख ५९ हजार ८४८ रुपये वर्ग करण्यात आले आहेत. राष्ट्रीयीकृत आणि व्यापारी बँकांमधील दोन हजार ६३ कर्जखात्यांवर १९ कोटी ९७ लाख ७९ हजार ४३६ रुपये जमा करण्यात आले आहेत..Farm Loan Waiver: लाभार्थी शेतकरी मयत असल्यास वारसांना कर्जमुक्तीचा लाभ मिळेल का? .दरम्यान, प्रसिद्ध झालेल्या यादीतील सुमारे सहा हजार शेतकऱ्यांनी अद्याप ई-केवायसी आणि आधार प्रमाणीकरण पूर्ण केलेले नाही. संबंधित शेतकऱ्यांनी शेतकरी ओळख क्रमांक (ॲग्रीस्टॅक फार्मर आयडी) काढून आधार प्रमाणीकरण तातडीने पूर्ण करावे. त्यामुळे कर्जमुक्ती योजनेचा लाभ मिळण्याची प्रक्रिया सुलभ होईल, असे पाटील यांनी स्पष्ट केले..Farm Loan Waiver 2026 : कर्जमाफीचे ७ हजार कोटी रुपये मंगळवारी होणार वितरीत.वारस नोंद करण्याचे आवाहनमृत शेतकऱ्यांच्या वारसांनी महसुली अभिलेखात (७/१२) वारस नोंद करून घेण्यासाठी महसूल विभागाकडे अर्ज करावा. वारस नोंद झाल्यानंतर संबंधितांना शेतकरी ओळख क्रमांक काढून आधार प्रमाणीकरण पूर्ण करता येईल आणि योजनेचा लाभ घेता येईल. याबाबत सर्व तहसीलदारांना तातडीने कार्यवाही करण्याचे निर्देश देण्यात आले आहेत..योजनेच्या लाभासंदर्भात अडचणी असल्यास जिल्हाधिकाऱ्यांच्या अध्यक्षतेखालील जिल्हास्तरीय समिती, जिल्हा उपनिबंधक (सहकारी संस्था), तहसीलदार किंवा तालुका सहायक निबंधकांशी संपर्क साधावा, असे आवाहन पाटील यांनी केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
