Parbhani News: अतिवृष्टी, अवर्षण आदी नैसर्गिक संकटामुळे आलेली नापिकी, कमी बाजारभाव, कर्जपरतफेडीची चिंता यातून आलेल्या नैराश्यातून शेतकरी आत्महत्या करत आहेत. १ जानेवारी ते ३१ डिसेंबर २०२५ या वर्षात परभणी जिल्ह्यात १०४ शेतकऱ्यांनी आत्महत्या करून मृत्यूला कवटाळले आहे. त्यापैकी शासनाच्या १ लाख रुपये आर्थिक मदतीसाठी ५६ प्रकरणे पात्र ठरली आहेत तर ३५ प्रकरणे अपात्र ठरली आहेत. एकूण १३ प्रकरणे चौकशीसाठी प्रलंबित आहेत..नापिकी,कर्जबाजारीपणा आदी कारणांमुळे परभणी जिल्ह्यात २००२ पासून शेतकरी आत्महत्यांचे सत्र सुरु झाले आहे. मागील २४ वर्षाच्या कालावधीत १ हजार ३५५ शेतकऱ्यांनी आत्महत्या करून आपली जीवन यात्रा संपवली. त्यापैकी ९१७ प्रकरणेशासकीय मदतीसाठी पात्र ठरली तर ४२५ प्रकरणे अपात्र ठरली. .Farmer Suicides: बीड जिल्ह्यात दर ३६ तासाला एका शेतकरी आत्महत्येची नोंद .१३ प्रकरणांमध्ये चौकशी प्रलंबित आहे. कोरडवाहू बहुल क्षेत्र आणि कृषिप्रधान अर्थव्यवस्था असलेल्या परभणी जिल्ह्यात हवामान बदलाच्या स्थितीत पावसाच्या आगमन, निर्गमनाच्या वेळेत झालेले बदल, असामान वितरण, त्यामुळे उद्भवणारी दुष्काळ, अतिवृष्टीची स्थिती, तापमानातील घट, गारपीट आदी नैसर्गिक संकटांमुळे शेती व्यवसायापुढे मोठी आव्हाने निर्माण झाली आहेत. उत्पादन तसेच उत्पन्नाची शाश्वती राहिली नाही. .Farmer Suicides: आत्महत्याग्रस्त जिल्ह्यात ‘एसएओ’ पद रिक्त.कमी बाजारभावामुळे अनेकवर्षी उत्पादन खर्चाएवढेही उत्पन्न मिळत नाही. यातून शेतकऱ्यांमध्ये कर्जबाजारीपणा वाढत आहे. कर्जाच्या वसुलीसाठी बँका तसेच सावकार तगादा लावतात. कर्जपरतफेडीच्या चिंतेतून नैराश्याग्रस्त शेतकरी आत्महत्या करत आहेत. आजवरच्या अनेक सरकारांच्या कार्यकाळात शेतकऱ्यांना कर्जमाफी देण्यात आली. विविध शासकीय योजना गरजू शेतकऱ्यांपर्यंत पोहचत नाहीत. .एका वर्षाआड दुष्काळाचे दुष्ट चक्र सुरुच आहे. त्यात शेतकरी भरडले जात आहेत. आर्थिक विवंचना कायम असल्यामुळे शेतकरी आत्महत्यांचे सत्र थांबलेले नाही. जिल्ह्यात २०२१ मध्ये ८३ तसेच २०२२ मध्ये ७७ शेतकरी आत्महत्या झाल्या. त्या तुलनेत वाढ होऊन २०२३ मध्ये १०३ शेतकरी आत्महत्यांची नोंद झाली. २०२४ मध्ये ७४ शेतकरी आत्महत्या झाल्या. त्यात वाढ होऊन २०२५ मध्ये १०४ शेतकरी आत्महत्या झाल्याची नोंद झाली, असे महसूल विभागाच्या सूत्रांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
