Agri Crisis : मोहोळ जून ते ऑगस्टदरम्यान पावसाने पाठ फिरवल्याने मोहोळ तालुक्यात पिण्याच्या पाण्यासह शेतीच्या पाण्याचा प्रश्न गंभीर झाला आहे. पाणीपातळी घटल्याने ऊस, कांदा, मका पिके जळू लागली आहेत. याचा परिणाम आगामी गाळप हंगामावर होणार आहे. तालुक्यातील चार साखर कारखान्यांच्या कार्यक्षेत्रातील उपलब्ध २० लाख मे.टनापैकी एक लाख मेट्रिक टन ऊस आतापर्यंत वैरणीला तुटला आहे..भीमा, जकराया, आष्टी शुगर अन् लोकनेते या चार कारखान्यांच्या कार्यक्षेत्रात २०२६-२७च्या गाळप हंगामासाठी सुमारे २० लाख मेट्रिक टन ऊस उपलब्ध असल्याचे सांगण्यात येते. .Sugar Industry: सरकारची साखर झोप.त्यापैकी भीमा कारखान्याकडे सहा लाख, जकराया पाच लाख, आष्टी शुगर सहा लाख अन् लोकनेते साडेपाच लाख मेट्रिक टन ऊस उपलब्ध आहे..Sugar Sales Quota: जुलैसाठी महाराष्ट्राच्या साखर विक्री कोट्यात ७.७१ टक्के घट.मात्र, पावसाअभावी उसाची वाढ खुंटली असून, जानेवारी-फेब्रुवारीत तुटलेल्या उसाला अपेक्षित वाढ मिळालेली नाही. अनेक ठिकाणी ऊस केवळ तीन ते पाच कांड्यांवर आहे. उजनी कालवा परिसरातील हिरव्या उसावरच कारखान्यांची भिस्त राहणार आहे. .पावसाअभावी खरीप हंगामाचे नुकसान झाले असून, ऊस लागवडीही ठप्प आहेत. पाऊस झाल्यानंतर लागवड करण्यासाठी अनेक शेतकऱ्यांनी जमिनीची मशागत करून सऱ्या पाडून ठेवल्या आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
