sandeep Shirguppe
जागतिक बाजारातील तेजीमुळे भारतात सोन्याच्या भावाने प्रति दहा ग्रॅम ८०० रुपयांनी उसळी घेत, ६५ हजार रुपयांची नवी विक्रमी पातळी गाठली.
चांदीचा भावही प्रति किलो ९०० रुपयांनी वाढून ७४,९०० रुपये झाला, असे एचडीएफसी सिक्युरिटीजने म्हटले आहे.
नवी दिल्लीतील बाजारात सोन्याचा भाव प्रति दहा ग्रॅम ८०० रुपयांनी वाढून ६५,००० रुपयांवर गेला.
आंतरराष्ट्रीय बाजारात, कॉमेक्स येथे स्पॉट गोल्ड प्रति औंस २११० डॉलरवर व्यवहार करत होते.
मागच्या दोन दिवसांपूर्वी सोन्याचा भाव प्रति दहा ग्रॅम ६४,२०० रुपयांवर बंद झाला होता. त्यात एक टक्क्यांनी वाढ झाली.
अमेरिकी फेडरल रिझर्व्ह जूनमध्ये व्याजदरात कपात करेल या वाढत्या अपेक्षेमुळे सोन्याच्या भावात वाढ झाली आहे.
अमेरिकेमधील औद्योगिक आणि बांधकाम खर्च कमी होण्याची चिन्हे आणि महागाईचा दबाव कमी झाल्यामुळेही सोन्याच्या भाववाढीला चालना मिळाली आहे.
तसेच वाढत्या भू-राजकीय तणावामुळे शॉर्ट सेलिंगवरील भर कमी झाला असून, सोने खरेदीकडे कल वाढला आहे.
'एमसीएक्स'वर चांदीचा भाव प्रति औंस २३.८८ डॉलरवर पोहोचला. मागील व्यापारात, तो प्रति औंस २३.०९ डॉलर होता.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.