sandeep Shirguppe
कोल्हापूर जिल्ह्यातील उदगाव (ता. शिरोळ) येथे कुबेर मादनाईक यांचे एकत्रित कुटुंब वास्तव्यास आहे.
कुटुंबाचे जयसिंगपूर येथे न्यू रत्नदीप दुग्धालय नावाने दुकान आहे. तिथेच दुधावर प्रक्रिया करून विविध पदार्थांची निर्मिती व विक्री होते.
सन १९८४ पासून कुटुंबाला या व्यवसायाची परंपरा असून ती आजगायत यशस्वीपणे टिकवण्यात कुटुंबाला यश आले आहे.
कुटुंबाच्या मदतीने बासुंदी, श्रीखंड, आम्रखंड, फ्रूटखंड, पनीर, तूप, सीताफळ, आंबा व गुलकंद रबडी, दही, ताक पदार्थ बनवतात.
मादनाईक यांच्याकडील बासुंदी विशेष प्रसिद्ध आहे. मलईचा वापर तसेच मंद आचेवर ती तयार केली जात असल्याने त्याला स्वाद वेगळा आहे.
जयसिंगपूर शहरामधील अनेक हॉटेल्समधूनही ‘राइस प्लेट’ सोबत ‘स्वीट’ म्हणून ही रत्नदिप बासुंदी दिली जाते.
मादनाईक यांच्याकडील गायीच्या व म्हशीच्या तुपाचाही खास ग्राहक वर्ग आहे. अगदी मुंबईपर्यंत हे तूप पोहोचले आहे.
मादनाईक कुटुंब अनेक वर्षांपासून या व्यवसायात असल्याने उन्हाळ्यामध्ये दूध, दही, ताक याची विक्री मोठ्या प्रमाणात होते.
वर्षभराचा एकूण अंदाज घेता दररोज २५ किलोपासून ते २०० किलोपर्यंत बासुंदीची विक्री होते. यासह अनेक गोड पदार्थांना मोठी मागणी असते.
दुग्धालयाच्या व्यवस्थापनात प्रवीण यांना वडील कुबेर तसेच संगणक क्षेत्रात बीई झालेल्या पत्नी स्नेहा यांची मोठी मदत होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.