Swarali Pawar
कमी पावसामुळे हिरवा चारा कमी पडण्याची शक्यता आहे. त्यामुळे पुढील ३० ते ६० दिवसांचा चारा साठा आत्तापासून तयार ठेवा.
सोयाबीन, मका, ज्वारी, बाजरी, ऊस आणि तूर यांचे अवशेष चाऱ्यासाठी वापरा. तुरीचा कडबा आणि इतर कडबा योग्य पद्धतीने वाळवून साठवून ठेवा.
ज्वारी, मका आणि ओट यांसारखी चारा पिके रब्बीत घेता येतात. नेपियर, लसणघास आणि बरसीमसारख्या बहुकापणीच्या चारा पिकांचाही विचार करा.
दुभत्या गायीला १५ ते २० किलो हिरवा आणि ४ ते ५ किलो सुका चारा द्या. म्हशीला २० ते २५ किलो हिरवा आणि ५ ते ६ किलो सुका चारा द्यावा.
मका, ज्वारी आणि बाजरीपासून मुरघास तयार करून दीर्घकाळ साठवता येतो. ज्वारी, बाजरी, गहू, हरभरा आणि तुरीचा कडबाही सावलीत वाळवून ठेवा.
जनावरांसमोर चारा नुसता टाकल्यास १५ ते २० टक्के चारा वाया जाऊ शकतो. त्यामुळे हिरवा आणि सुका चारा कुट्टी करून गव्हाणीत दिल्यास अपव्यय कमी होतो.
खनिज मिश्रण, मिठाच्या वड्या आणि पूरक खाद्याचा तज्ज्ञांच्या सल्ल्याने वापर करता येतो. सुबाभूळ, शेवगा, गिरीपुष्प आणि बाभळीचा पाला चाऱ्यासोबत देता येतो.
शेतकरी गट, दूध संस्था किंवा बचत गटांनी एकत्र येऊन चारा साठवला तर टंचाईच्या काळात मदत होते. सामूहिक खरेदीमुळे कडबा आणि पशुखाद्याचा खर्चही कमी करता येतो.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.