Black Gram Varieties: एल निनोच्या संकटात उडदाचे ६ सुधारित वाण

कमी पावसात उडीद का फायदेशीर?

उडीद हे कमी कालावधीत तयार होणारे आणि कमी पाण्यात तग धरणारे पीक आहे. योग्य वाणांची निवड केल्यास एल निनोच्या परिस्थितीतही चांगले उत्पादन मिळू शकते.

फुले वसू

हा वाण ७० ते ७५ दिवसांत पक्व होतो. भुरी आणि पिवळ्या विषाणू रोगास प्रतिकारक्षम असून १२ ते १४ क्विंटल उत्पादन देऊ शकतो.

फुले राजन

२०२४ मध्ये प्रसारित झालेला हा वाण ७५ ते ८० दिवसांत तयार होतो. चमकदार दाणे आणि ८ ते १० क्विंटल उत्पादन हे त्याचे वैशिष्ट्य आहे.

पीडीकेव्ही ब्लॅक गोल्ड

हा वाण ६५ ते ७० दिवसांत पक्व होतो. एकाच वेळी पक्वता येऊन १० ते १२ क्विंटल उत्पादन देऊ शकतो.

पीकेव्ही उडीद-१५

विदर्भासाठी शिफारस केलेला हा वाण ६५ ते ७० दिवसांत तयार होतो. जोमदार वाढ आणि १० ते १२ क्विंटल उत्पादनक्षमता ही याची ताकद आहे.

टीएयू-१

हा वाण ६५ ते ७० दिवसांत पक्व होतो. टपोरे दाणे आणि भुरी रोगावरील मध्यम प्रतिकारक्षमता ही त्याची वैशिष्ट्ये आहेत.

बीडीयू-१

महाराष्ट्रासाठी शिफारस केलेला हा वाण ७० ते ७५ दिवसांत तयार होतो. यापासून हेक्टरी १० ते १२ क्विंटल उत्पादन मिळू शकते.

वाण निवडताना हे लक्षात ठेवा

आपल्या क्षेत्रासाठी शिफारस केलेले वाणच निवडा. कमी कालावधीचे आणि रोगप्रतिकारक्षम वाण उत्पादनाचा धोका कमी करतात.

Plant Population: रोपसंख्या का महत्त्वाची? उत्पादन वाढवण्यासाठी ७ महत्त्वाच्या गोष्टी