Pune News : किमान तापमान अद्यापही सरासरीपेक्षा काहीसे अधिक दिसते. कडाक्याच्या थंडीची प्रतिक्षा कायम आहे. तर राज्यात पुढील पाच दिवस कोरडे हवामान राहील, असा अंदाज हवामान विभागाने दिला.

राज्यात सध्या दुपारच्या वेळी कडक ऊन जाणवत आहे. एरवी डिसेंबर महिन्यात दिसत जाणवत असलेल्या सरासरी तापमानाच्या तुलनेत सध्या सरासरी तापमान काहीसे अधिक आहे. म्हणजेच अपेक्षित थंडी अजून पडलेली नाही.

रब्बीच्या पिकांना सध्या थंडीची आवश्यकता आहे. उत्तर भारतात किमान तापमानात घट झाली. पण महाराष्ट्रात थंडी वाढण्यासाठी आणखी काही दिवस वाट पाहावी लागू शकते.
सध्या उत्तर भारतात किमान तापमान कमी झाले आहे.

पंजाब, हरियाना, छत्तीसगड, दिल्ली, उत्तर राजस्थान आणि उत्तर प्रदेशच्या उत्तर भागातील बहुतेक भागांमध्ये किमान तापमान ६ ते १० अंश सेल्सिअसच्या दरम्यान असल्याचे भारतीय हवामान विभागाने म्हटले आहे. तर बांगलादेशच्या सरासरात चक्राकार वाऱ्याची स्थिती निर्माण झाली आहे.