Pune News: पावसाच्या उघडिपीमुळे कमाल तापमानाचा पारा तिशीपार असून, उन्हाचा चटका आणि उकाडा त्रासदायक ठरत आहे. आज (ता. १९) कोकण, मध्य महाराष्ट्र, मराठवाड्याच्या दक्षिणेकडील जिल्ह्यात विजांसह पावसाची शक्यता असल्याने दक्षतेचा इशारा (येलो अलर्ट) हवामान विभागाने दिला आहे. उर्वरित राज्यातही विजांसह हलक्या सरींची शक्यता वर्तविण्यात आली आहे.

मध्य प्रदेश आणि परिसरावर तीव्र कमी दाबाचे क्षेत्र सक्रिय आहे. ही प्रणाली राजस्थानकडे सरकताना निवळण्याची शक्यता आहे. मॉन्सूनचा आस असलेला कमी दाबाचा पट्टा राजस्थानमधील बिकानेरपासून, सिकार, तीव्र कमी दाबाचे केंद्र, सिधी, दाल्तोंगज, पुरुलिया ते ईशान्य बंगालच्या उपसागरापर्यंत सक्रिय आहे. मध्य महाराष्ट्र आणि परिसरावर, तसेच आंध्र प्रदेश किनारपट्टीलगत चक्राकार वाऱ्यांची स्थिती आहे. बंगालच्या उपसागरात २४ जुलैपर्यंत हवेचे कमी दाबाचे क्षेत्र तयार होण्याचे संकेत आहेत.

शुक्रवारी (ता. १८) सकाळपर्यंतच्या २४ तासांमध्ये मराठवाड्यात तुरळक ठिकाणी जोरदार पाऊस झाला असून, उर्वरित राज्यात मुख्यतः उघडिपीसह हलक्या पावसाने हजेरी लावली आहे. विदर्भासह राज्याच्या विविध भागांत उन्हाचा चटका तापदायक ठरत असून, उकाड्याने घामटा निघत आहे. ब्रह्मपुरी येथे राज्यातील उच्चांकी ३५ अंश तापमानाची नोंद झाली.

आज (ता. १९) कोकणातील रायगड, रत्नागिरी, सिंधुदुर्ग, दक्षिण मध्य महाराष्ट्रातील सातारा, सांगली, कोल्हापूर, सोलापूर, दक्षिण मराठवाड्यातील धाराशिव, लातूर आणि विदर्भातील अकोला, अमरावती या जिल्ह्यांत विजांसह पावसाची शक्यता असल्याने दक्षतेचा इशारा (येलो अलर्ट) आहे. उर्वरित राज्यात तुरळक ठिकाणी विजांसह हलक्या ते मध्यम पावसाची शक्यता वर्तविण्यात आली आहे.

शुक्रवारी (ता. १८) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

‎ठिकाणे---तापमान कमाल---तापमान किमान

‎पुणे---३१.२---२२.८

अहिल्यानगर---३१.१---२३.४

‎‎धुळे---३४.०---२०.४

जळगाव---३३.०---निरंक

जेऊर---३३.५---२०.५

‎‎कोल्हापूर---२९.६---२३.०

‎महाबळेश्‍वर---२१.१---१७.६

मालेगाव---३२.८---२२.४

‎‎नाशिक---२९.७---२२.०

‎निफाड---३१.३---२२.०

‎सांगली---३१.३---२३.०

‎सातारा---३०.१---२२.४

‎सोलापूर---३२.४---२३.८

‎सांताक्रूझ---३१.६---२७.५

डहाणू---३३.२---२६.३

‎रत्नागिरी---३०.५---२६.७

‎छत्रपती संभाजीनगर---३१.६---२४.५

‎धाराशिव---३०.०---२०.८

‎परभणी---३१.४---२५.०

परभणी (कृषी)---२९.६---२३.९

‎‎अकोला---३२.६---२५.३

अमरावती---३०.४---२४.७

‎भंडारा---३२.०---२३.०‎‎

बुलडाणा---३१.५---२४.०

‎ब्रह्मपुरी---३५.०---२४.६

‎चंद्रपूर---३३.२---२४.६

‎गडचिरोली---३०.६---२४.६

‎गोंदिया---३०.९---२४.५

‎नागपूर---३२.२---२५.२

‎वर्धा---३२.५---२६.०

‎वाशीम---२९.४---२३.४

‎यवतमाळ---२९.८---२४.०

‎विजांसह पावसाचा इशारा (येलो अलर्ट) :

रायगड, रत्नागिरी, सिंधुदुर्ग, सातारा, सांगली, कोल्हापूर, सोलापूर, धाराशिव, लातूर, अकोला, अमरावती.