Pune News : राज्यात पूर्वमोसमी वादळी पावसाने दणका दिला आहे. आज (ता. २१) कोकण, घाटमाथ्यावर मुसळधार सरींची शक्यता असल्याने, तसेच मध्य महाराष्ट्र, मराठवाड्यात जोरदार वादळी पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे. उर्वरित राज्यात वादळी पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे.

‎राज्याच्या विविध भागात पूर्वमोसमी वादळी पावसाने तडाखा सुरूच आहे. अनेक भागांत सकाळपासूनच असलेल्या ढगाळ हवामानापाठेपाठ दुपारनंतर जोरदार वादळी पाऊस पडत आहे. उकाडा आणि तापमानात चढ-उतार सुरू आहेत. कोकणातील रत्नागिरी, रायगड, मध्य महाराष्ट्रातील धुळे, नाशिक, अहिल्यानगर, पुणे, सातारा, सोलापूर, मराठवाड्यातील संभाजीनगर, परभणी, लातूर, धाराशिव जिल्ह्यांत विविध ठिकाणी पावसाची नोंद झाली.

सोमवारी (ता. १९) सकाळपर्यंतच्या २४ तासांमध्ये ब्रह्मपुरी येथे राज्यातील उच्चांकी ४२.६ अंश तापमानाची नोंद झाली. ‎चंद्रपूर, ‎नागपूर येथे ४१ अंश सेल्सिअसपेक्षा अधिक, ‎‎अकोला, अमरावती, जळगाव, ‎वर्धा येथे ४० अंशांपेक्षा अधिक, तर धुळे, गडचिरोली, गोंदिया, ‎यवतमाळ येथे ३९ अंशांपेक्षा अधिक तापमानाची नोंद झाली. विदर्भाच्या कमाल तापमानात वाढ झाली असून, उर्वरित राज्यात कमाल तापमानात चढ-उतार सुरूच आहेत.

आज (ता. २१) जोरदार वादळी पावसाची शक्यता असल्याने तळ कोकणातील रत्नागिरी, सिंधुदुर्ग, मध्य महाराष्ट्रातील सातारा, कोल्हापूर जिल्ह्यांचा घाटमाथ्यावर मुसळधार पावसाची शक्यता असल्याने, तसेच अहिल्यानगर, सोलापूर, छत्रपती संभाजीनगर, बीड, धाराशिव जिल्ह्यांत जोरदार पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे. उर्वरित राज्यात वादळी पावसाची शक्यता असल्याने सतर्कतेचा इशारा (येलो अलर्ट) देण्यात आला आहे.

‎मंगळवारी (ता. २०) सकाळी ८.३० वाजेपर्यंतच्या २४ तासांमध्ये नोंदले गेलेले तापमान. (अंश सेल्सिअसमध्ये)

‎ठिकाणे---तापमान कमाल---तापमान किमान

‎पुणे---३४.५---२२.७

अहिल्यानगर---३३.८---२२.५

‎‎धुळे---३९.०---१९.५

जळगाव---४०.२---२५.७

‎जेऊर---३५.५---२१.०

‎कोल्हापूर---३०.५---२४.१

महाबळेश्‍वर---२४.५---१७.८

‎मालेगाव---३७.२---२२.६

‎नाशिक---३३.३---२३.६

‎निफाड---३५.०---२३.०

‎सांगली---३०.९---२३.६

‎सातारा---३३.२---२१.०

‎सोलापूर---३५.२---२१.०

‎सांताक्रूझ---३४.०---२६.४

डहाणू---३४.२---२७.९

‎रत्नागिरी---३३.०---२६.७

‎छत्रपती संभाजीनगर---३६.५---२३.२

‎धाराशिव---३४.१---२०.४

‎परभणी---३७.५---२५.५

‎परभणी (कृषी)---३७.१---२४.८

‎अकोला---४०.८---२७.६

अमरावती---४०.४---२४.३

‎‎‎बुलडाणा---३५.६---२५.५

‎ब्रह्मपुरी---४२.६---२७.६

‎चंद्रपूर---४१.६---२६.०

‎गडचिरोली---३९.६---२५.६

‎गोंदिया---३९.४---२६.६

‎नागपूर---४१.०---२८.३

‎वर्धा---४०.०---२७.०

‎वाशीम---३७.५---निरंक

‎यवतमाळ---३९.०---२६.४

जोरदार वादळी पावसाचा इशारा (ऑरेंज अलर्ट) :

सिंधुदुर्ग, रत्नागिरी, अहिल्यानगर, सातारा, कोल्हापूर, सोलापूर, छत्रपती संभाजीनगर, बीड, धाराशिव

वादळी पावसाची शक्यता (येलो अलर्ट) :

पालघर, ठाणे, मुंबई, रायगड, नंदूरबार, धुळे, जळगाव, नाशिक, जालना, परभणी, हिंगोली, नांदेड, लातूर, बुलडाणा, अकोला, अमरावती, यवतमाळ, वाशीम, वर्धा, नागपूर, भंडारा, गोंदिया, चंद्रपूर, गडचिरोली.

‎३८ अंशांपेक्षा अधिक तापमान असलेली ठिकाणे :

‎‎ब्रह्मपुरी ४२.६, चंद्रपूर ४१.६, ‎नागपूर ४१, ‎अकोला ४०.८, अमरावती ४०.४, जळगाव ४०.२, ‎वर्धा ४०.