Pune News: राज्याच्या काही जिल्ह्यांत पूर्वमोसमी पावसाने जोरदार हजेरी लावली आहे. आज (ता. १५) मध्य महाराष्ट्रातील नाशिक आणि सातारा जिल्ह्यांत जोरदार वादळी पाऊस आणि गारपिटीची शक्यता असल्याने, तसेच अहिल्यानगर, पुणे जिल्ह्यांत वादळी पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे.

कोकण आणि परिसरावर चक्राकार वारे वाहत आहेत. पश्चिम बंगालपासून झारखंड, विदर्भ, तेलंगणा ते रायलसीमापर्यंत तसेच विदर्भापासून मराठवाडा कर्नाटक ते केरळपर्यंत हवेचा कमी दाबाचे पट्टे सक्रिय आहे. राज्यात पूर्वमोसमी वादळी पावसाचे सावट कायम आहे. कोकणातील रायगड, रत्नागिरी, मध्य महाराष्ट्रातील कोल्हापूर, आहिल्यानगर, सांगली, पुणे, नाशिक, सोलापूर, मराठवाड्यातील छत्रपती संभाजीनगर, धाराशिव, लातूर, नांदेड, तसेच विदर्भातील नागपूर जिल्ह्यात विविध ठिकाणी पावसाची नोंद झाली.

बुधवारी (ता. १४) सकाळपर्यंतच्या २४ तासांमध्ये ब्रह्मपुरी येथे राज्यातील उच्चांकी ४२.१ अंश तापमानाची नोंद झाली. चंद्रपूर आणि ‎वर्धा येथे ४० अंशांपेक्षा अधिक, तर ‎‎धुळे, सोलापूर, ‎‎भंडारा, ‎गोंदिया आणि ‎नागपूर येथे ३९ अंशांपेक्षा अधिक, तसेच ‎जेऊर, ‎गडचिरोली आणि ‎यवतमाळ येथे ३८ अंशांपेक्षा अधिक तापमानाची नोंद झाली.

आज (ता. १५) मध्य महाराष्ट्रातील नाशिक आणि सातारा जिल्ह्यांत वादळी पाऊस आणि गारपिटीची शक्यता असल्याने, तसेच अहिल्यानगर, पुणे जिल्ह्यांत वादळी पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे. संपूर्ण कोकण, विदर्भासह, मध्य महाराष्ट्र, मराठवाड्यात तुरळक ठिकाणी वादळी वाऱ्यासह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे.

बुधवारी (ता. १४) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

‎ठिकाणे---तापमान कमाल---तापमान किमान

‎पुणे---३३.६---२३.०

अहिल्यानगर---३५.२---२२.४

‎‎धुळे---३९.०---२२.५

‎जळगाव---३७.८---२५.८

‎जेऊर---३८.८---१९.०

‎कोल्हापूर---३४.८---२२.४

‎महाबळेश्वर---२६.६---१७.०

‎मालेगाव---३६.०---२३.०

‎नाशिक---३२.५---२१.९

‎निफाड---३४.०---२२.०

‎सांगली---३७.४---२१.३

‎सातारा---३४.०---२१.०

सोलापूर---३९.०---२२.२

‎सांताक्रूझ---३४.३---२६.३

डहाणू---३४.८---२६.०

‎रत्नागिरी---३४.६---२६.७

‎छत्रपती संभाजीनगर---३६.८---२२.५

‎धाराशिव---३६.८---२०.४

‎परभणी---३५.९---२५.४

परभणी (कृषी)---३४.७---२४.९

‎अकोला---३७.९---२५.८

अमरावती---३५.०---२५.९

‎‎भंडारा---३९.०---२५.०

बुलडाणा---३२.०---२४.८

‎ब्रह्मपुरी---४२.१---२५.५

‎चंद्रपूर---४१.२---२७.४

‎गडचिरोली---३८.६---२५.०

‎गोंदिया---३९.४---२५.४

‎नागपूर---३९.८---२५.४

‎वर्धा---४०.०---२६.९

‎वाशीम---३५.६---निरंक

‎यवतमाळ---३८.०---२६.४

वादळी पाऊस, गारपिटीचा इशारा. (ऑरेंज अलर्ट) :

नाशिक, सातारा.

वादळी पावसाचा इशारा (ऑरेंज अलर्ट) :

अहिल्यानगर, पुणे.

वादळी पावसाची शक्यता (येलो अलर्ट) :

पालघर, मुंबई, ठाणे, रायगड, रत्नागिरी, सिंधुदुर्ग, जळगाव, सांगली, सोलापूर, कोल्हापूर, बीड, धाराशिव, लातूर, बुलडाणा, अकोला, वाशीम, अमरावती, वर्धा, नागपूर, यवतमाळ, भंडारा, गोंदिया, चंद्रपूर, गडचिरोली.

‎४० अंशापेक्षा अधिक तापमान असलेली ठिकाणे :

‎ब्रह्मपुरी ४२.१, चंद्रपूर ४१.२, ‎वर्धा ४०.