Pune News: राज्यातील काही भागात अवकाळी पावसाचे सावट कायम आहे. तर काही भागात तापमानात वाढ दिसून आली. हवामान विभागाने आज तसेच शनिवारी आणि रविवारी राज्यातील काही भागात ढगांच्या गडगडाटासह हलक्या पावसाचा अंदाज दिला आहे.

हवामान विभागाने आज सिंधुदूर्ग, नांदेड आणि लातूर जिल्ह्यातील काही ठिकाणी ढगांच्या गडगडाटासह हलक्या पावसाचा अंदाज दिला आहे. तर धाराशिव, सोलापूर, सांगली, कोल्हापूर जिल्ह्यात काही ठिकाणी विजा आणि ढगांच्या गडगडाटासह हलक्या ते मध्यम पावसाचा येलो अलर्ट हवामान विभागाने दिला.

तसेच या जिल्ह्यांमध्ये ढगाळ वातावरणाचाही अंदाज आहे. गुरुवारी आणि शुक्रवारी तापमानात काहीशी वाढ होण्याचा अंदाज हवामान विभागाने दिला.

शनिवारी आणि रत्नागिरी, सिंधुदूर्ग, कोल्हापूर, सातारा, सांगली आणि सोलापूर जिल्ह्यातील काही भागात ढगांच्या गडगडाटासह हलक्या ते मध्यम पावसाचा अंदाज हवामान विभागाने दिला. तर या जिल्ह्यातील इतर भागात ढगाळ हवामानाचाही अंदाज हवामान विभागाने दिला. राज्यातील इतर भागात अवकाळी पावसाचे वातावरण निवळल्यानंतर तापमानात वाढ दिसून आली.