Pune News: सूर्य आग ओकायला लागल्याने उन्हाचा चटका भाजून काढायला लागला आहे. कमाल तापमान चाळिशीपार असून, शुक्रवारी (ता. २८) सकाळपर्यंतच्या २४ तासांत ब्रह्मपुरी येथे राज्यातील उच्चांकी ४२.२ अंश सेल्सिअस तापमानाची नोंद झाली. आज (ता. २९) राज्याच्या तापमानात वाढ कायम राहण्याचा अंदाज आहे. कोकण, मध्य महाराष्ट्रात वादळी पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे.

मध्य महाराष्ट्रापासून केरळपर्यंत असलेला हवेचा कमी दाबाचा पट्टा विरून गेला आहे. यातच पावसाला पोषक हवामान असल्याने राज्यात अंशतः ढगाळ हवामान होत आहे. उन्हाची ताप वाढल्याने शुक्रवारी (ता. २८) ब्रह्मपुरीसह नागपूर, अकोला, चंद्रपूर, वर्धा, अमरावती येथे ४१ अंशांपेक्षा तापमानाची नोंद झाली. तसेच जेऊर, परभणी, यवतमाळ, गडचिरोली, भंडारा आणि वाशीम येथे तापमान ४० अंशांच्या वर होते.

ढगाळ हवामानामुळे उकाड्यात चांगलीच वाढ झाली असून, दुपारच्या वेळी अंगाची लाही होत आहे. आज (ता. २९) कमाल तापमानातील वाढ, उकाडा कायम राहण्याचा अंदाज आहे. मध्य महाराष्ट्रातील कोल्हापूर, सांगली आणि कोकणातील सिंधुदुर्ग जिल्ह्यांत वादळी पावसाचा इशारा आहे. तर रत्नागिरी, सातारा, सोलापूर, धाराशिव, लातूर, नांदेड या जिल्ह्यांमध्ये तुरळक ठिकाणी विजांसह पावसाचा अंदाज हवामान विभागाने वर्तविला आहे.

शुक्रवारी (ता. २८) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

ठिकाणे---तापमान कमाल---तापमान किमान

पुणे---३६.४---१८.२

अहिल्यानगर---३६.९---२०.३

धुळे---३८.५---१६.५

जळगाव---३९.०---२३.२

जेऊर---४०.०---१९.०

कोल्हापूर---३६.३---२२.१

महाबळेश्‍वर---२९.२---१९.४

मालेगाव---निरंक---२१.६

नाशिक---३४.२---१९.०

निफाड---३५.५---१४.८

सांगली---निरंक---२१.३

सातारा---निरंक---१९.६

सोलापूर---३९.४---२५.३

सांताक्रूझ---३१.३---२२.३

डहाणू---३१.८---२१.६

रत्नागिरी---३२.६---२३.८

छत्रपती संभाजीनगर---३८.८---२४.८

धाराशिव---३८.२---२२.२

परभणी---४०.०---२३.९

परभणी (कृषी)---३९.४---२०.१

अकोला---४१.७---२५.०

अमरावती---४१.०---२२.३

भंडारा---४०.०---२२.४

बुलडाणा---३७.३---२३.८

ब्रह्मपुरी---४२.२---२१.७

चंद्रपूर---४१.६---निरंक

गडचिरोली---४०.६---२०.०

गोंदिया---३९.५---२०.२

नागपूर---४१.९---२२.४

वर्धा---४१.५---२५.६

वाशीम---४०.२---निरंक

यवतमाळ---४०.८---२३.२

सरासरी तापमान (अंश से.)

विभाग---किमान---कमाल

विदर्भ---२०.०---४२.२

मराठवाडा---२०.१---४०.०

पश्‍चिम महाराष्ट्र---१८.२---४०.०

उत्तर महाराष्ट्र---१४.८---३९.०

कोकण---२१.६---३२.२

४१ अंशांपेक्षा अधिक तापमान असलेली ठिकाणे : ब्रह्मपुरी ४२.२, नागपूर ४१.९, अकोला ४१.७, चंद्रपूर ४१.६, वर्धा ४१.५, अमरावती ४१.

विजांसह वादळी पावसाचा इशारा (येलो अलर्ट) : सिंधुदुर्ग, कोल्हापूर, सांगली.

विजांसह पावसाचा अंदाज : रत्नागिरी, सातारा, सोलापूर, धाराशिव, लातूर, नांदेड.