Pune News: कोकणात आलेली उष्णतेची लाट काहीशी ओसरली असली, तरी राज्यात उन्हाच्या झळा वाढू लागल्या आहेत. अनेक ठिकाणी तापमानाचा पारा ३६ अंशांपार पोहोचला आहे. शुक्रवारी (ता. २८) सकाळ पर्यंतच्या २४ तासांमध्ये सांताक्रूझ येथे ३८.४ अंश तापमान नोंदले गेले. आज (ता. १) राज्याच्या कमाल तापमानातील वाढ कायम राहण्याची शक्यता हवामान विभागाने वर्तविली आहे.

पश्‍चिम राजस्थान आणि परिसरावर हवेच्या कमी दाबाचे क्षेत्र तयार झाले असून, त्यापासून मध्य महाराष्ट्रापर्यंत हवेचा कमी दाबाचा पट्टा सक्रिय आहे. गुरुवारी (ता. २७) केरळातील कन्नूर विमानतळ येथे देशातील उच्चांकी ३९.८ अंश सेल्सिअस तापमानाची नोंद झाली. तर कोकणातील सांताक्रूझ पाठोपाठ येथे अकोला येथे ३८ अंश तापमान नोंदले गेले.

तर ब्रह्मपुरी, डहाणू, धुळे येथे तापमानाचा पारा ३६ अंशांपार होता. किनारपट्टीय भागात कमाल तापमानात सरासरीपेक्षा ४.५ अंशांची वाढ झाली किंवा तापमान ३७.५ अंशांच्या पुढे गेल्याने सांताक्रूझ येथे उष्णतेची लाट कायम होती.

दरम्यान, रत्नागिरी, सोलापूर, नाशिक, मालेगाव, जळगाव, सांगली, भंडारा, बुलडाणा, अमरावती, चंद्रपूर आणि यवतमाळ येथे ३६ अंशांपेक्षा अधिक तापमानाची नोंद झाली. उन्हाचा चटका वाढल्याने दुपारच्या वेळी घराबाहेर पडणे तापदायक ठरत असून, उकाड्याने घामाच्या धारा कायम आहेत. आज (ता.१) राज्याच्या कमाल तापमानातील वाढ कायम राहण्याची शक्यता हवामान विभागाने वर्तविली आहे.

शुक्रवारी (ता. २८) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

ठिकाणे---तापमान कमाल---तापमान किमान

पुणे---३५.२---१७.१

अहिल्यानगर---३४.९---१४.७

धुळे---३७---१२

जळगाव---३६.२---१६

जेऊर---३५.५---१७

कोल्हापूर---३४.२---२०.७

महाबळेश्वर---३०---१७.८

मालेगाव---३६.४---१८.६

नाशिक---३६---१७.१

निफाड---३३.७---१३.३

सांगली---३६.२---१९.९

सातारा---३५.२---१७.६

सोलापूर---३६.९---२३.१

सांताक्रूझ---३८.४---२२.८

डहाणू---३७.२---२०.६

रत्नागिरी---३६.६---२१.५

छत्रपती संभाजीनगर---३५.०---१७.७

धाराशिव---३४.५---१९

परभणी---३५.२---१९.९

परभणी (कृषी)---३४.५---१५.२

अकोला---३८---१९.५

अमरावती---३६.२---१७.९

भंडारा---३६.५---२१.४

बुलडाणा---३६.५---२१.४

ब्रह्मपुरी---३७.३---१६

चंद्रपूर---३६.२---निरंक

गडचिरोली---३५---१६.६

गोंदिया---३४---१६.५

नागपूर---३५.४---१५.८

वर्धा---३५.१---१६.९

वाशीम---३५.८---निरंक

यवतमाळ---३६.२---२२

सरासरी तापमान (अंश से.)

विभाग---किमान---कमाल

विदर्भ---१५.८---३८

मराठवाडा---१५.२---३५.२

पश्‍चिम महाराष्ट्र---१७---३६.९

उत्तर महाराष्ट्र---१२---३७

कोकण---२०.६---३८.४

३७ अंशांपेक्षा अधिक तापमान असलेली ठिकाणे :

सांताक्रूझ ३८.४, अकोला ३८, ब्रह्मपुरी ३७.३, डहाणू ३७.२, धुळे ३७.