राज्यातील बहुतांशी भागात आज पावसाचा जोर कमी होता. तर हवामान विभागाने आजही उत्तर महाराष्ट्र आणि विदर्भातील काही जिल्ह्यांमध्ये ठिकठिकाणी हलक्या ते मध्यम पावसाचा अंदाज दिला. मग कोणकोणत्या जिल्ह्यात पाऊस हजेरी लावू शकतो?

राज्याच्या अनेक भागात मागील चार दिवस पावसाने जोरदार हजेरी लावली. त्यामुळे पिकांचे मोठ्या प्रमाणात नुकसान झाले होते. आजही काही जिल्ह्यात पावसाचा अंदाज देण्यात आला. आज उत्तर महाराष्ट्रातील नंदूरबार, धुळे आणि नाशिक जिल्ह्यात काही ठिकाणी विजांसह हलक्या ते मध्यम पावसाचा अंदाज हवामान विभागाने दिला होता. तर नगर आणि जळगाव जिल्ह्यातही काही ठिकाणी हलक्या सरी पडू शकतात, असा अंदाज आहे.

तसेच विदर्भातील बुलडामा, अकोला, अमरावती, वाशीम, यवतमाळ आणि नागपूर जिल्ह्यातही काही ठिकाणी विजा आणि ढगांच्या गडगडाटासह हलक्या ते मध्यम पावसाचा येलो अलर्ट हवामान विभागाने दिला. तर राज्यात आज अनेक भगाात ढगाळ हवामान राहू शकते, असाही अंदाज आहे.