Pune News: ढगाळ हवामान, पावसाची हजेरी यामुळे राज्याच्या कमाल तापमानात मोठी घट झाली आहे. तापमानाचा पारा ३९ अंशांच्या खाली घसरला आहे. आज (ता. ४) कोकण, मध्य महाराष्ट्र, आणि मराठवाड्याचा दक्षिणेकडील भाग आणि पूर्व विदर्भात वादळी पावसाची शक्यता असल्याने दक्षतेचा इशारा (येलो अलर्ट) कायम असल्याचे हवामान विभागाने म्हटले आहे. तापमानातील चढ-उतार कायम राहण्याची शक्यता आहे.

मराठवाडा आणि मध्य महाराष्ट्र परिसरावर समुद्रसपाटीपासून ९०० मीटर उंचीवर चक्राकार वारे वाहत आहेत. नैर्ऋत्य मध्य प्रदेशापासून वरील चक्राकार वारे ते दक्षिणअंतर्गत कर्नाटकपर्यंत हवेचा कमी दाबाचा पट्टा सक्रिय आहे. यातच अरबी समुद्र आणि बंगालच्या उपसागरावरील बाष्पयुक्त वाऱ्यांचा संगम होत असल्याने राज्यात विजांसह वादळी पावसाने हजेरी लावली आहे. नाशिक आणि नगर जिल्ह्यात तुरळक ठिकाणी गारपीट झाली.

गुरुवारी (ता. ३) सकाळपर्यंतच्या २४ तासांत ब्रह्मपुरी येथे उच्चांकी ३८.८ अंश सेल्सिअस तापमानाची नोंद झाली. मालेगाव, चंद्रपूर, धुळे, जेऊर, सोलापूर येथे ३८ अंशांपेक्षा अधिक तापमानाची नोंद झाली. तापमान काहीसे कमी झाले असले तरी उन्हाच्या झळा आणि उकाडा त्रासदायक ठरत आहे. दुपारच्या वेळी घराबाहेर पडणे तापदायक ठरत आहे.

आज (ता. ४) कोकणातील रत्नागिरी, सिंधुदुर्ग, दक्षिण मध्य महाराष्ट्रातील सांगली, कोल्हापूर, सोलापूर, मराठवाड्यातील धाराशिव, लातूर विदर्भातील यवतमाळ, वर्धा, नागपूर, भंडारा, गोंदिया, चंद्रपूर, गडचिरोली जिल्ह्यांत वादळी पावसाच्या अंदाजामुळे दक्षतेचा इशारा (येलो अलर्ट) आहे. उर्वरित राज्यात कमाल तापमानातील वाढीसह तुरळक ठिकाणी विजांसह पावसाचा अंदाज कायम आहे.

गुरुवारी (ता. ३) सकाळपर्यंतच्या २४ तासांत राज्यात पडलेला पाऊस, मिलिमीटरमध्ये (स्रोत : हवामान विभाग)

कोकण : देवगड ७०, वैभववाडी ३०, रत्नागिरी ३०, कुडाळ, २०, मुळदे १०.

मध्य महाराष्ट्र : सटाणा ३०, धुळे १०.

मराठवाडा : जाफराबाद १०, भोकरदन १०.

गुरुवारी (ता. ३) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

ठिकाणे---तापमान कमाल---तापमान किमान

पुणे---३५.१---२०.८

अहिल्यानगर---निरंक---२२.०

धुळे---३८.०---१६.४

जळगाव---३५.७---२३.८

जेऊर---३८.०---२०.५

कोल्हापूर---३५.३---२४.६

महाबळेश्‍वर---२६.४---१७.४

मालेगाव---३८.४---२१.४

नाशिक---३३.४---२२.३

निफाड---३५.६---१५.८

सांगली---३५.९---२४.६

सातारा---३३.७---२२.५

सोलापूर---३८.०---२५.१

सांताक्रूझ---३६.९---२५.८

डहाणू---३५.२---२४.०

रत्नागिरी---३२.७---२१.३

छत्रपती संभाजीनगर---३२.२---२२.२

धाराशिव---३७.०---२३.०

परभणी---निरंक---२४.०

परभणी (कृषी)---३६.६---२३.१

अकोला---३०.९---२२.५

अमरावती---३४.८---२२.७

भंडारा---३५.६---१८.४

बुलडाणा---३२.५---२०.०

ब्रह्मपुरी---३८.८---२४.३

चंद्रपूर---३८.२---निरंक

गडचिरोली---३५.०---२१.६

गोंदिया---३६.७---२२.४

नागपूर---३५.८---२१.४

वर्धा---३५.०---२०.४

वाशीम---३५.६---निरंक

यवतमाळ---३६.०---२२.४

सरासरी तापमान (अंश से.)

विभाग---किमान---कमाल

विदर्भ---१८.४---३८.८

मराठवाडा---२२.२---३७.०

पश्‍चिम महाराष्ट्र---१७.४---३८.४

उत्तर महाराष्ट्र---१५.८---३८.४

कोकण---२१.३---३६.९

३८ अंशांपेक्षा अधिक तापमान असलेली ठिकाणे :

ब्रह्मपूरी ३८.८, मालेगाव ३८.४, चंद्रपूर ३८.२, धुळे ३८, जेऊर ३८, सोलापूर ३८.

वादळी पावसाचा इशारा (येलो अलर्ट) :

रत्नागिरी, सिंधुदुर्ग, सांगली, कोल्हापूर, सोलापूर, धाराशिव, लातूर, यवतमाळ, वर्धा, नागपूर, भंडारा, गोंदिया, चंद्रपूर, गडचिरोली.