Pune News : उत्तरेकडील थंड वाऱ्यांमुळे राज्यात थंडी वाढली आहे. मात्र थंडीचा कडाका अजूनही कमी दिसत आहे. राज्यातील काही ठिकाणी किमान तापमान १० अंशाच्या खाली दिसत आहे. राज्यातील अनेक ठिकाणी किमान तापमानात २ ते ३ अंशांनी आणखी कमी होऊ शकते, असा अंदाज हवामान विभागाने दिला. 

पश्‍चिमी चक्रवातामुळे उत्तरेकडील भागात हलक्या पाऊस पडत आहे. तर हिमालय लगतच्या भागात हिमवृष्टी सुरूच आहे. उत्तर भारतातील राज्यांमध्ये थंडीचा कडाका कमी दिसत आहे.

आज राजस्थानच्या चित्तोडगडमध्ये देशाच्या सपाट भूभागावरील नीचांकी ५.९ अंश सेल्सिअस तापमानाची नोंद झाली. तर आग्नेय अरबी समुद्रात केरळच्या किनाऱ्यालगत चक्राकार वाऱ्यांची स्थिती आहे. 

राज्यातही काही भागातील किमान तापमान १० अंशाच्या खाली दिसत आहे. अनेक ठिकाणी तापमानाचा पारा कमी होत आहे. राज्यातील सर्वात कमी तापमानाची नोंद जळगाव येथे झाली होती.

जळगावात ८.२ अंश सेल्सिअस तापमान होते. तर निफाड येथील गहू संशोधन केंद्रात ९ अंशाची नोंद झाली. राज्यातील थंडी वाढत असली तरी तापमानात काही प्रमाणात चढ उतार दिसत आहे. पण राज्यातील तापमानात आणखी २ ते ३ अंशाने घट होईल, असा अंदाज हवामान विभागाने दिला.