Pune News: राज्यातील काही भागात गारवा वाढला आहे. अनेक ठिकाणी किमान तापमान १२ अंशाच्या दरम्यान पोचले होते. तर निफाड येथील गहू संशोधन केंद्रात निचांकी ८.५ अंश सेल्सिअस तापमान होते. तर रत्नागिरी येथे सर्वाधिक ३७.२ अंश सेल्सिअस तापमन होते. राज्यातील तापमानातील चढ उतार कायम राहण्याचा अंदाज हवामान विभागाने दिला.

उत्तर भारतातही तापमानात चढ उतार दिसत आहेत. काही भागात आज तापमानात वाढ दिसून येथे. आज छत्तीसगडच्या अंबिकापूर येथे येथे देशाच्या सपाट भूभागावरील नीचांकी ७.७ अंश सेल्सिअस तापमानाची नोंद झाली. पश्चिम हिमालयाच्या भागात १२.६ किलोमीटर उंचीपर्यंत १३० ते १४० नॉट्स वेगाने पश्चिमेकडील जोरदार वाऱ्यांचे प्रवाह कायम आहेत. याचा उत्तर भारतातील तापमानावर परिणाम होत आहे.

राज्यातील बहुतांशी भागात तापमानात चढ उतार सुरु आहेत. राज्याच्या काही भागात किमान तापमानात आज घट झाली होती. तर राज्यात निफाड येथील गहू संशोधन केंद्रात राज्यातील नीचांकी ८.५ अंश सेल्सिअस तापमानाची नोंद झाली.

तर अमदनगर येथे १०.५ अंश तापमान नोंदविले गेले. उर्वरित राज्यात बहुतांश ठिकाणी किमान तापमानाचा पारा ११ ते १८ अंशांच्या दरम्यान होते. राज्यातील तापमानातील चढ उतार कायम राहतील, असा अंदाज हवामान विभागाने दिला.