Pune News : राज्यात उन्हाचा चटका तापदायक ठरत असल्याने उन्हाळ्याची चाहूल लागली आहे. सोमवारी (ता. १०) सकाळपर्यंतच्या २४ तासांमध्ये ब्रह्मपूरी येथे उच्चांकी ३७ अंश तापमानाची नोंद झाली आहे. आज (ता. ११) राज्यातील कमाल आणि किमान तापमानात वाढ होण्याची शक्यता हवामान विभागाने वर्तविली आहे.

नैर्ऋत्य राजस्थान आणि परिसरावर चक्राकार वारे वाहत असून, उत्तर भारतात १२.६ किलोमीटर उंचीपर्यंत १२० नॉट्स वेगाने पश्चिमेकडील जोरदार वाऱ्यांचे प्रवाह कायम आहेत. सोमवारी (ता. १०) राजस्थानमधील सांगरीया येथे देशाच्या सपाट भूभागावरील नीचांकी ६.५ अंश सेल्सिअस तापमानाची नोंद झाली.

तर राज्यात धुळे येथील कृषी महाविद्यालयात राज्यातील नीचांकी १२ अंश सेल्सिअस तापमानाची नोंद झाली. उर्वरित राज्यात बुहतांश ठिकाणी किमान तापमानाचा पारा १४ ते २३ अंशांच्या दरम्यान आहे.

राज्याच्या कमाल तापमानात वाढ होत असून, सोमवारी (ता. १०) सकाळपर्यंतच्या २४ तासांमध्ये ब्रह्मपूरीसह जेऊर आणि अकोला येथे तापमान ३५ अंशांपार आहे. उर्वरित राज्यात बुहतांश ठिकाणी ३४ ते ३५ अंशांच्या दरम्यान आहे.

उन्हाच्या झळा वाढत असून, उकाड्यामुळे आंगाची लाही होत आहे. आज (ता. ११) राज्यात कमाल आणि किमान तापमानात वाढ होण्याची शक्यता हवामान विभागाने वर्तविली आहे.

सोमवारी (ता. १०) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

ठिकाणे---तापमान कमाल---तापमान किमान

पुणे---३४.४---१७.७

अहिल्यानगर---निरंक---१७.३

धुळे---३२.०---१२.०

जळगाव---निरंक---१६.८

जेऊर---३५.५---१८.०

कोल्हापूर---३३.१---२०.५

महाबळेश्वर---२८.१---१८.०

मालेगाव---३२.४---१७.०

नाशिक---३३.८---१६.४

निफाड---३२.५---१४.२

सांगली---३४.३---१९.९

सातारा---३४.२---१८.६

सोलापूर---निरंक---२२.९

सांताक्रूझ---३४.३---२०.१

डहाणू---२९.६---१८.६

रत्नागिरी---३४.६---२१.५

छत्रपती संभाजीनगर---३३.८---१९.३

धाराशिव---निरंक---१७.८

परभणी---३४.४---१९.०

परभणी (कृषी)---३३.८---१६.०

अकोला---३५.६---१९.७

अमरावती---३४.४---१७.७

भंडारा---३३.६---१७.०

बुलढाणा---३४.०---२१.२

ब्रह्मपूरी---३७.०---१६.०

चंद्रपूर---३४.०---निरंक

गडचिरोली---३३.०---१५.२

गोंदिया---३२.६---१७.९

नागपूर---३४.०---१६.२

वर्धा---३४.२---१७.४

वाशीम---३४.२---२२.८

यवतमाळ---३४.६---१६.०