Pune News: राज्यातील काही भागात मागील २ दिवसांपासून हलक्या ते मध्यम सरी पडत आहेत. विदर्भात पावसाचा जोर काहीसा अधिक आहे. हवामान विभागाने विदर्भ, मराठवाडा, मध्य महाराष्ट्र आणि कोकणात काही ठिकाणी जोरदार पावसाचा अंदाज दिला.

आज मराठवाड्यातील सर्वच जिल्ह्यांमध्ये काही ठिकाणी विजांसह जोरदार पावसाचा अंदाज हवामान विभागाने दिला. मध्य महाराष्ट्रातील कोल्हापूर, सोलापूर, सातारा, सांगली, पुणे आणि नगर जिल्ह्यात काही ठिकाणी जोरदार पावसाचा येलो अलर्टही हवामान विभागाने दिला.

कोकणातही काही ठिकाणी जोरदार पावसाची शक्यता आहे. विदर्भातील अमरावती, नागपूर, भंडारा, गोंदीया, चंद्रपूर आणि गडचिरोली जिल्ह्यात काही ठिकाणी जोरदार पावसाचा अंदाज हवामान विभागाने वर्तविला.

उद्या मध्य महाराष्ट्रातील सातारा, सांगली, कोल्हापूर आणि सोलापूर जिल्ह्यात तसेच मराठवाड्यातील लातूर आणि कोकणातील सिंधुदूर्ग, रत्नागिरी आणि रायगड जिल्ह्यात काही ठिकाणी जोरदार पावसाची शक्यता हवामान विभागाने वर्तविली. विदर्भातील अकोला आणि अमरावती जिल्ह्यातही काही ठिकाणी जोरदार पावसाचा अंदाज आहे. मराठवाडा आणि मध्य महाराष्ट्रातील इतर जिल्ह्यांमध्ये काही ठिकाणी हलक्या ते मध्यम पावसाचा अंदाज आहे.

रविवारी आणि सोमवारी राज्यात पावसाचा जोर कमी होण्याचा अंदाज आहे. विदर्भात दोन्ही दिवस पावसाची उघडीप राहण्याची शक्यता आहे. तर कोकण आणि मराठवाड्याच्या काही भागात पावसाची शक्यात आहे.

मंगळवारी विदर्भात पाऊस पुन्हा हजेरी लावण्याची शक्यता आहे. विदर्भातील सर्वच जिल्ह्यांमध्ये काही ठिकाणी जोरदार पावसाचा अंदाज आहे. तर कोकण आणि मध्य महाराष्ट्राच्या घाटमाथ्यावर काही ठिकाणी जोरदार पावसाचा अंदाज आहे.