Pune News: राज्यातील काही भागात जोरदार पाऊस हजेरी लावत आहे. मात्र काही भागात जोरदार पावसाची प्रतिक्षा आहे. हवामान विभागाने विदर्भ, कोकण आणि खानदेशात पुढील ५ दिवस काही ठिकाणी जोरदार पावसाचा अंदाज दिला. मराठवाड्यातील काही ठिकाणीही पावसाची शक्यता वर्तविण्यात आली. 

विदर्भातील जिल्ह्यांमध्ये पुढील ५ दिवस काही ठिकाणी जोरदार पावसाचा अंदाज दिला. अकोला, बुलडाणा, अमरावती, वाशीम, यवतमाळ, वर्धा, नागपूर, भंडारा, गोंदीया, चंद्रपूर आणि गडचिरोली जिल्ह्यात काही ठिकाणी जोरदार पावसाचा अंदाज आहे. कोकणातील सर्वच जिल्ह्यांमध्ये आज आणि उद्या काही ठिकाणी जोरदार ते अतिजोरदार पावसाची शक्यता आहे. तसेच मध्य महाराष्ट्राच्या घाटमाथ्यावरही जोरदार पावसाची शक्यता आहे. तर मध्य महाराष्ट्रातील जिल्ह्यांमध्येही काही ठिकाणी हलक्या ते मध्यम पावसाची शक्यता वर्तविण्यात आली. 

खानदेशातील तीनही जिल्ह्यांमध्ये पुढील ४ दिवस पावसाचा अंदाज आहे. काही ठिकाणी जोरदार पावसाची शक्यताही वर्तविण्यात आली. मराठवाड्यातील छत्रपती संभाजीनगर, जालना, परभणी, नांदेड आणि हिंगोली जिल्ह्यात पुढील ३ दिवस काही ठिकाणी जोरदार पावसाची शक्यता आहे. तर इतर जिल्ह्यांमध्ये काही ठिकाणी हलक्या ते मध्यम पावसाची शक्यताही हवामान विभागाने वर्तविली. 

माॅन्सूनने देशाचा बहुतांश भाग व्यापला आहे.  मॉन्सून रविवारी ने संपूर्ण लडाख, हिमाचल प्रदेश, आणि जम्मू काश्मीरचा बहुतांश भाग, पंजाबच्या काही भागात प्रगती केली होती. मात्र माॅन्सून आज त्याच भागात होता. पुढील दोन दिवसांत पश्‍चिम उत्तर प्रदेश, हिमाचल प्रदेश जम्मू- काश्मीरचा उर्वरित भाग, पंजाब, हरियाना, चंडीगड, दिल्लीचा आणखी काही भाग आणि राजस्थानच्या आणखी काही भागात मॉन्सून दाखल होण्याची शक्यता आहे.