Weather Update Pune : राज्यात उन्हाच्या झळा वाढल्याने तापमानात वाढ होऊ लागली आहे. दरम्यान विदर्भात पावसाला पोषक (Rainy Weather) हवामान होत आहे. आज (ता. ३) विदर्भात तुरळक ठिकाणी हलक्या पावसाची शक्यता (Rain Forecast) आहे. तर उर्वरित राज्यात मुख्यतः कोरड्या हवामानाचा अंदाज आहे. उन्हाचा चटका कायम राहण्याची शक्यता हवामान विभागाने वर्तविली आहे.

उत्तर छत्तीसगडपासून, तेलंगणा, आंध्र प्रदेश ते तामिळनाडूपर्यंत समुद्र सपाटीपासून १.५ किलोमीटर उंचीवर हवेचा कमी दाबाचा पट्टा व खंडित वाऱ्यांची स्थिती कायम आहे. पश्चिम राजस्थान आणि परिसरावर समुद्र सपाटीपासून १.५ किलोमीटर उंचीवर चक्राकार वाऱ्यांची स्थिती आहे. राज्यात पावसाला पोषक हवामान होत असून, उन्हाचा चटका कायम राहण्याची शक्यता हवामान विभागाने वर्तविली आहे.

चंद्रपुरात उच्चांकी ३८.६ अंश तापमान

ढगाळ वातावरण, पावसाची हजेरी यामुळे राज्याच्या कमाल आणि किमान तापमानात चढ-उतार सुरूच आहेत. रविवारी (ता. २) सकाळपर्यंतच्या २४ तासांमध्ये चंद्रपूर येथे राज्यातील उच्चांकी ३८.६ अंश सेल्सिअस तापमानाची नोंद झाली.

ब्रह्मपुरी, सोलापूर येथे ३७ अंश सेल्सिअस तर उर्वरित राज्यात बहुतांश ठिकाणी कमाल तापमान ३४ ते ३६ अंशांच्या दरम्यान होते. तर किमान तापमान कमी-अधिक होत असून, पारा १२ ते २३ अंशांच्या दरम्यान होता.

रविवारी (ता. २) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअस मध्ये).

पुणे ३४.३ (१५.८), जळगाव ३६.० (२०.५), धुळे ३५.० (१५.२), कोल्हापूर ३४.६ (१८.७), महाबळेश्वर २९.२ (१३.९), नाशिक ३२.४ (१६.७),

निफाड ३३.२(१२.०), सांगली ३५.४ (१८.४), सातारा ३४.७ (१६.४), सोलापूर ३७.०(२१.२), सांताक्रूझ ३१.६ (२२.१), डहाणू ३१.६ (२०.६), रत्नागिरी ३३.७ (२१.९),

छत्रपती संभाजीनगर ३४.२ (१९.६), नांदेड ३७.८ (२०.४), परभणी ३५.८ (२१.६), अकोला ३६.९ (२१.१), अमरावती ३५.२(१९.५), बुलडाणा ३४.० (२१.६), ब्रह्मपुरी ३७.० (२०.१), चंद्रपूर ३८.६ (२१.०), गडचिरोली ३४.०(२०.२),

गोंदिया ३४.४ (१९.५), नागपूर ३५.४ (१९.०), वर्धा ३६.२(२१.६), वाशीम ३५.२ (२०.२), यवतमाळ ३५.० (१९.५).