Pune News: माॅन्सूनचा प्रवास आजही थांबलेला होता. माॅन्सूनच्या वाटचालीसाठी पोषक वातावरण नसल्याने माॅन्सून एकाच भागात १० दिवसांपासून मुक्कामावर आहे. तर राज्यातील काही भागात पुढील ५ दिवस हलक्या ते मध्यम पावसाचा अंदाज दिला आहे. 

माॅन्सूने २८ मे पर्यंत राज्याच्या अनेक भागात वाटचाल केली होती. पण त्यानंतर माॅन्सूनच्या वाटचालीसाठी पोषक हवामान नव्हते. त्यामुळे माॅन्सून गेल्या १० दिवसांमध्ये एकाच जागेवर होता. माॅन्सून आजही मुंबई, अहिल्यानगर, बीड, नांदेड, परभणी, हिंगोली, यवतमाळ, चंद्रपूर आणि गडचिरोली भागात होता.

माॅन्सूनची सिमा आजही मुंबई, अहिल्यानगर, अदिलाबाद, भवानीपटना, पुरी आणि बालूरघाट भागात होती. माॅन्सूनच्या वाटचालीसाठी पोषक हवामान नसल्याचे हवामान विभागाने स्पष्ट केले आहे. 

राज्यातील काही भागात पुढील ५ दिवसांत हलक्या ते मध्यम पावसाचा अंदाज हवामान विभागाने दिला. विदर्भ, मराठवाडा, मध्य महाराष्ट्र आणि कोकणातील काही भागात पुढील ५ दिवस जोरदार पावसाचा अंदाज आहे. विदर्भातील जिल्ह्यांमध्ये आणि उद्या पावसाचा जोर काहीसा अधिक राहण्याची शक्यता आहे.

तर मराठवाड्यातील जिल्ह्यांमध्येही काही ठिकाणी मध्यम ते जोरदार पावसाचा अंदाज आहे. मध्य महाराष्ट्रातही काही भागात पावसाची शक्यता आहे. कोकणातही पुढील ५ दिवस काही ठिकाणी पावसाचा अंदाज हवामान विभागाने दिला.