Pune News : उत्तर भारतातील राज्यांमध्ये थंडीचा कडाका कायम आहे. त्यामुळे राज्यातही काही जिल्ह्यांमध्ये थंडीचा कडका कायम असून थंडीची लाट आहे. आज धुळे येथील कृषी महाविद्यालयात राज्यातील सर्वात कमी ४.२ अंश सेल्सिअस तापमानाची नोंद झाली होती. राज्यातील तापमानात चढ उतार दिसतील, असा अंदाज हवामान विभागाने दिला.

नैर्ऋत्य बंगालच्या उपसागरात कमी दाब क्षेत्राची तीव्रता वाढली आहे. ही प्रणाली १२ तासात उत्तर तमिळनाडू दक्षिण आंध्र प्रदेशच्या किनाऱ्याकडे येण्याचे संकेत आहेत. देशाच्या उत्तरेकडील राज्यांमध्ये थंडीचा कडाका कायम आहे. आज पंजाबमधील अदामपूर येथे देशाच्या सपाट भूभागावरील नीचांकी २.६ अंश सेल्सिअस तापमानाची नोंद झाली. सर्वाधिक तापमान तमिळनाडूतील मदूराई आणि इरोड येथे ३५ अंश सेल्सिअस होते.

राज्यातील काही भागात आज तापमानात च उतार दिसून आले. तर अनेक ठिकाणी आजही थंडीची कायम होती. अनेक भागात १० अंशापेक्षा कमी तापमानाची नोंद झाली होती. आज धुळे येथील कृषी महाविद्यालयात राज्यातील सर्वात कमी ४.२ अंश सेल्सिअस तापमान होते. निफाड येथील गहू संशोधन केंद्रात ६.४ अंश सेल्सिअस तापमानाची नोंद झाली होती.

जेऊर येथे ७.१ अंश सेल्सिअस तापमानाची नोंद झाली होती. तर अहिल्यानगर येथे आज ७.५ अंश सेल्सिअस किमान तापमान होते. याशिवाय नांदेड येथे ७.६ अंश सेल्सिअस, नाशिक तेथे ९ अंश सेल्सिअस, मोहोळ येथे ९.१ अंश सेल्सिअस, बीड येथे ९.५ अंश सेल्सिअस, छत्रपती संभाजीनगर येथे ९.७ अंश सेल्सिअस, परभणी येथे ९.७ अंश सेल्सिअस तापमानाची नोंद झाली होती. राज्यातील किमान आणि कमाल तापमानात चढ उतार कायम राहतील, असा अंदाज हवामान विभागाने दिला.