Pune News : राज्यातील काही भागात कालपासून वादळी वारे आणि ढगाळ वातावरण दिसत होत आहे. तर काही ठिकाणी वादळी पाऊस तसेच काही ठिकाणी गारपीटही झाली. हवामान विभागाने आजपासून पुढील पाचही दिवस राज्यात ठिकठिकाणी पावसाचा अंदाज दिला. तर काही ठिकाणी गारपीटही होईल, असाही इशारा हवामान विभागाने दिला. 

हवामान विभागाने अमरावती, नागपूर आणि वर्धा जिल्ह्यातील काही ठिकाणी विजा आणि मेघगर्जनेसह गारपीट होईल असा अंदाज दिला. तर गडचिरोली जिल्ह्यात आज आणि उद्या, भंडारा आणि गोंदीया जिल्ह्यात उद्या काही ठिकाणी गारपीट होण्याची शक्यता आहे. तसेच यावेळी जोरदार वारे वाहण्याचीही शक्यता आहे. तर काही ठिकाणी वादळी पावसाचाही अंदाज काही भागासाठी देण्यात आला. 

संपूर्ण विदर्भात आजपासून पुढील पाच दिवस, म्हणजेच गुरुवार, शुक्रवार, शनिवार, रविवार आणि सोमवारी ठिकठिकाणी वादळी वारे, विजा आणि मेघगर्जनेसह पावसाचा अंदाज हवामान विभागाने दिला.

मराठवाडा आणि मध्य महाराष्ट्रातील काही भागात पुढील पाच दिवस विजा आणि मेघर्जनेसह वादळी पावसाचा अंदाज आहे. खानेदेशातही वादळी पावसाची हजेरी कायम राहील, असाही अंदाज हवामान विभागाने दिला. कोकणात रविवारी आणि शनिवारी पाऊस हजेली लावेल, असा अंदाज हवामान विभागाने दिला.