Pune News : राज्यातील अनेक भागात ढगाळ हवामान दिसत आहे. त्यामुळे राज्यातील बहुतांशी भागात थंडीचा कडाका कमी झालेला दिसतो. धुके आणि ढगाळ हवामान कायम राहण्याची शक्यता आहे.

तसेच पुढील काही दिवस किमान तापमानातील चढ-उतार कायम राहतील असा अंदाज हवामान विभागाने दिला. 

आज मध्य प्रदेशातील राजगडमध्ये देशाच्या सपाट भूभागावरील नीचांकी ४.६ अंश सेल्सिअस तापमानाची नोंद झाली.  श्रीलंका आणि भारत दरम्यान असलेल्या कोमोरिन भागात चक्राकार वाऱ्यांची स्थिती आहे.

उत्तर भारतात १०० नॉट्स वेगाने पश्चिमेकडील जोरदार वाऱ्यांचे झोत वाहत आहेत. त्यामुळे थंडी कमी-अधिक होत असून, दाट धुक्याचे साम्राज्य कायम आहे. 

राज्यातील किमान तापमानात काही प्रमाणात चढ उतार दिसत आहेत. त्यामुळे थंडीही कमी झालेली आहे. राज्यातील अनेक भागात सकाळी धुक्याची चादर दिसून येत आहे. राज्यात ढगाळ हवामान असल्याने थंडी कमी आहे.

राज्यातील ढगाळ हवामानाची स्थिती आणखी काही दिवस कायम राहण्याचा अंदाज आहे. त्यामुळे थंडीत काहीसे चढ उतार राहू शकतात, असा अंदाज हवामान विभागाने दिला.