Pune News : सूर्य तळपायला लागल्याने राज्यात उन्हाचा ताप वाढू लागला आहे. शुक्रवारी (ता. ८) सकाळपर्यंतच्या २४ तासांमध्ये सोलापूर आणि रत्नागिरी येथे ३८ अंश सेल्सिअस तापमानाची नोंद झाली. तर निफाड येथे राज्याचे नीचांकी ८ अंश तापमान नोंदले गेले. आज (ता. ८) राज्यात उन्हाचा चटका वाढण्याची शक्यता आहे. तर कोकणात उष्ण व दमट हवामानामुळे सतर्कतेचा इशारा (येलो अलर्ट) हवामान विभागाने दिला आहे.

शुक्रवारी (ता. ७) सकाळपर्यंतच्या २४ तासांत रत्नागिरी आणि सोलापूर पाठोपाठ जेऊर, सांगली, सातारा आणि वाशीम येथे कमाल तापमान ३७ अंशांच्या पुढे होते. पुणे, कोल्हापूर, धाराशिव, परभणी, अकोला येथे तापमानाचा पारा ३६ अंशांच्या पार होता. कमाल तापमानातील वाढ होत असल्याने दुपारच्या वेळी झळा वाढल्या असून, उकाड्यातील वाढ कायम आहे.

उत्तरेकडून येणाऱ्या थंड वाऱ्यांमुळे किमान तापमानात घट झाली. किमान तापमानात पुन्हा वाढ होऊ लागली असून, निफाड येथील गहू संशोधन केंद्रात शुक्रवारी (ता. ७) ८ अंशांची तर परभणी येथील कृषी विद्यापीठात ९.५ अंश आणि जळगाव येथे किमान तापमान ९.८ अंशांवर होते. धुळे येथील कृषी महाविद्यालय आणि अहिल्यानगर येथे तापमान ११ अंशांच्या खाली होते. राज्याच्या कमाल आणि किमान तापमानात तब्बल २० ते २८ अंशांपर्यंत तफावत होती.

आज (ता. ८) कोकणातील ठाणे, मुंबई, रायगड आणि रत्नागिरी जिल्ह्यांत हवामान सरासरीपेक्षा उष्ण व दमट राहणार असल्याने सतर्कतेचा इशारा (येलो अलर्ट) देण्यात आला आहे. तर उर्वरित राज्याच्या कमाल आणि किमान तापमानात वाढ होण्याचा अंदाज हवामान विभागाने वर्तविला आहे. राज्यात उन्हाचा चटका हळूहळू वाढत जाणार आहे.

शुक्रवारी (ता. ७) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

ठिकाणे---तापमान कमाल---तापमान किमान

पुणे---३६.७---१३.२

अहिल्यानगर---निरंक---१०.५

धुळे---३४.०---१०.२

जळगाव---३४.३---९.८

जेऊर---३७.५---११.५

कोल्हापूर---३६.२---१९.७

महाबळेश्‍वर---३२.७---१८.०

मालेगाव---३४.०---१४.०

नाशिक---३६.०---१२.४

निफाड---३४.९---८.०

सांगली---३७.४---१७.०

सातारा---३७.०---१५.०

सोलापूर---३८.०---१६.८

सांताक्रूझ---३५.५---१८.२

डहाणू---३१.६---२२.०

रत्नागिरी---३८.०---१९.२

छत्रपती संभाजीनगर---३४.४---१२.४

धाराशिव---३६.१---१८.०

परभणी---३६.३---१४.०

परभणी (कृषी)---३३.७---९.५

अकोला---३६.५---१४.६

अमरावती---३५.२---१४.३

भंडारा---३२.४---१५.०

बुलडाणा---३३.८---१७.६

ब्रह्मपुरी---३५.३---१३.८

चंद्रपूर---३५.४---निरंक

गडचिरोली---३४.२---१६.०

गोंदिया---३१.४---१२.४

नागपूर---३४.२---१३.९

वर्धा---३५.५---१५.२

वाशीम---३७.४---निरंक

यवतमाळ---३४.४---१४.०

सरासरी तापमान (अंश से.)

विभाग---किमान---कमाल

विदर्भ---१२.४---३७.४

मराठवाडा---९.५---३६.३

पश्‍चिम महाराष्ट्र---११.५---३८.०

उत्तर महाराष्ट्र---८.०---३६.०

कोकण---१८.२---३८.०