Pune News: राज्यातील सकाळी हवेत वाढलेला गारवा कमी होत आहे. किमान तापमानात वाढ झाली आहे. तर कमाल तापमानाचा पारा ३८ अंशाच्याही पुढे गेला. आत सोलापूर येथे सर्वाधिक ३८ अंश सेल्सिअस तापमान होते. निफाड येथे सर्वात कमी १० अंशाची नोंद झाली. राज्यातील तापमानात वाढ होण्याचा अंदाज हवामान विभागाने दिला. 

राजस्थान आणि परिसरावरील चक्राकार वाऱ्याची स्थिती निवळली आहे. तर उत्तर भारतातही तापमानात वाढ दिसून आली. किमान आणि कमाल तापमानात वाढ झाली आहे.

आज हरियानाच्या नहान येथे देशाच्या सपाट भूभागावरील नीचांकी ९ अंश सेल्सिअस तापमानाची नोंद झाली. देशातील निचांकी तापमानातही वाढ होत आहे. हळूहळू कमी कमी तापमान १० अंशाच्या दिशेने वाटचाल करत आहे. 

राज्यातही सकाळी हवेतील गारवा कमी झाला आहे. राज्यात किमान तापमानात पुन्हा घट झाली. तर कमाल तापमानातही वाढ सुरु झाली. दुपारी उन्हाचा चटकाह असह्य होत आहे. आज सोलापूर येथे राज्यातील सर्वाधिक ३८ अंश सेल्सिअस तापमानाची नोंद झाली. तर काही ठिकाणी तापमान ३६ अंशाच्याही पुढे गेले होते.