October IMD Rain Alert : राज्यातील बहुतांशी भागांमध्ये उन्हाचा चटका चांगला वाढला. सकाळी आणि दुपारच्या तापमानातील तफावत जास्त आहे. हवामान विभागाने आज राज्यातील काही जिल्ह्यांमध्ये हलक्या पावसाचा अंदाज दिला.

हवामान विभागाने आज राज्यात काही ठिकाणी हलक्या पावसाचा अंदाज दिला. सिंधुदूर्ग आणि रत्नागिरी जिल्ह्यात विजा आणि ढगांच्या गडगडाटासह हलक्या पावसाचा अंदाज हवामान विभागाने दिला.

तसेच वेगाचे वारेही वाहण्याची शक्यता आहे. तसेच कोल्हापूर, सातारा, पुणे, रायगड आणि जळगाव जिल्ह्यात काही ठिकाणी हलक्या सरी पडतील, असाही अंदाज हवामान विभागाने दिला.

('ॲग्रोवन'चं व्हॉट्सअ‍ॅप चॅनल जॉईन करण्यासाठी येथे क्लिक करा)

माॅन्सूनने आजही देशातील काही भागातून माघार घेतली. माॅन्सूनने आज बिहारचा उर्वरित भाग, हिमालयाच्या बाजुचा पश्चिम बंगाल आणि सिक्कीम, संपूर्ण ईशान्य भारतातून माॅन्सून परतला आहे.

तर उत्तर बंगालच्या उपसागराचा बराचसा भाग, मध्य बंगालच्या उपसागराचा काही भाग, आंध्र प्रदेशचा काही भाग आणि तेलंगणाच्या उर्वरित भागातून आज माॅन्सूनने माघार घेतली. माॅन्सूनची सिमा आज मच्छलीपट्टनम, कर्नूल, बदामी, आणि वेंगुर्ला भागात आहे.