Pune News : कोकण, घाटमाथ्यावर पावसाचा जोर दिसून येत असला, तरी राज्याच्या अंतर्गत भागात जोरदार पावसाची प्रतीक्षा आहे. आज (ता. २२) कोकण, घाटमाथ्यावर जोरदार सरींची शक्यता आहे. रायगड, रत्नागिरी, सिंधुदुर्ग, सातारा आणि पुण्याचा घाटमाथ्यावर दक्षतेचा इशारा (ऑरेंज अलर्ट) देण्यात आला आहे.

मुंबईसह उर्वरित कोकणात जोरदार पावसाचा, तर विदर्भात तुरळक ठिकाणी विजांसह पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे. उत्तर प्रदेश आणि परिसरावर कमी दाब क्षेत्र सक्रिय असून, ही प्रणाली निवळून जाणार आहे. त्याला लागून समुद्र सपाटीपासून ५.८ किलोमीटर उंचीपर्यंत चक्राकार वारे वाहत आहेत.

पाकिस्तानपासून बांगलादेशापर्यंत हवेचा पूर्व-पश्‍चिम कमी दाबाचा पट्टा कायम आहे. रविवारी (ता. २२) सकाळपर्यंतच्या २४ तासांमध्ये विदर्भातील चंद्रपूर येथे राज्यातील उच्चांकी ३७.८ अंश तापमानाची नोंद झाली. कोकण, घाटमाथ्यावर पावसाची जोरदार हजेरी कायम आहे. राज्याच्या अंतर्गत भागात मात्र जोरदार पावसाची प्रतीक्षा आहे.

आज (ता. २३) कोकण आणि घाटमाथ्यावर पावसाचा जोर कायम राहण्याची शक्यता आहे. रायगड, रत्नागिरी, सिंधुदुर्ग, पुणे घाटमाथा, सातारा जिल्ह्यांच्या घाटमाथ्यावर जोरदार सरींची शक्यता असल्याने दक्षतेचा इशारा (ऑरेंज अलर्ट) आहे.

पालघर, मुंबई, ठाणे, नाशिक घाटमाथा, कोल्हापूर जिल्ह्यांच्या घाटमाथ्यावर जोरदार पावसाचा अंदाज आहे.तसेच विदर्भात विजांसह वादळी पावसाची शक्यता असल्याने सतर्कतेचा इशारा (येलो अलर्ट) देण्यात आला आहे. उर्वरित राज्यात मुख्यतः उघडिपीसह तुरळक ठिकाणी हलक्या पावसाची शक्यता आहे.

पंजाब, जम्मू- काश्मीरमध्ये मॉन्सूनची प्रगती

नैॡत्य मोसमी वाऱ्यांनी (मॉन्सून) देशाचा बहुतांश भाग व्यापला असून, रविवारी (ता. २२) मॉन्सूनने संपूर्ण लडाख, हिमाचल प्रदेश, आणि जम्मू काश्मीरचा बहुतांश भाग, पंजाबच्या काही भागात प्रगती केली आहे.

पुढील दोन दिवसांत पश्‍चिम उत्तर प्रदेश, हिमाचल प्रदेश जम्मू- काश्मीरचा उर्वरित भाग, पंजाब, हरियाना, चंडीगड, दिल्लीचा आणखी काही भाग आणि राजस्थानच्या आणखी काही भागात मॉन्सून दाखल होण्याची शक्यता आहे.

रविवारी (ता. २२) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

‎ठिकाणे---तापमान कमाल---तापमान किमान

‎पुणे---२९.२---२२.५

अहिल्यानगर---३०.८---२२.७

‎‎धुळे---३५.०---२१.५

जळगाव---३४.०---२५.४

जेऊर---३४.०---२०.५

‎‎कोल्हापूर---२८.१---२२.६

‎महाबळेश्‍वर---२०.४---१८.०

मालेगाव---३१.२---२१.८

‎‎नाशिक---२७.६---२३.०

‎निफाड---२८.३---२२.७

‎सांगली---२९.४---२३.२

‎सातारा---२८.७---२२.२

‎सोलापूर---३४.०---२४.०

‎सांताक्रूझ---३२.९---२५.०

डहाणू---३०.७---२४.०

‎रत्नागिरी---३०.८---२६.१

‎छत्रपती संभाजीनगर---३२.६---२३.४

‎धाराशिव---२९.९---२१.४

‎परभणी---३४.३---२४.६

परभणी (कृषी)---३४.८---२४.२

‎‎अकोला---३४.५---२६.१

अमरावती---३४.८---२३.८

‎भंडारा---३६.०---२४.०‎‎

बुलडाणा---३०.४---२३.६

‎ब्रह्मपुरी---३६.८---२४.३

‎चंद्रपूर---३७.४---२४.८

‎गडचिरोली---३४.६---२५.०

‎गोंदिया---३४.८---२४.८

‎नागपूर---३७.८---२६.१

‎वर्धा---३६.०---२५.६

‎वाशीम---३५.४---२४.०

‎यवतमाळ---३५.०---२४.०

जोरदार पावसाचा इशारा (ऑरेंज अलर्ट) :

रायगड, रत्नागिरी, सिंधुदुर्ग, पुणे घाटमाथा, सातारा घाटमाथा.

जोरदार पावसाचा इशारा (येलो अलर्ट) :

पालघर, मुंबई, ठाणे, नाशिक घाटमाथा, कोल्हापूर घाटमाथा.

विजांसह वादळी पावसाची शक्यता (येलो अलर्ट) :

बुलडाणा, अकोला, अमरावती, नागपूर.