Pune News: विदर्भात पावसाची जोरदार बॅटींग सुरुच आहेत. पूर्व विदर्भात पावसाचा जोर अधिक आहे. कोकण आणि घाटमाथ्यावरही जोरदार पाऊस हजेरी लावत आहे. विदर्भात आणि कोकणात आज आणि उद्या पावसाचा जोर कायम राहणार आहे. तर इतर भागात पावसाचा जोर कमी होईल, असा अंदाज हवामान विभागाने दिला. 

हवामान विभागाने आज विदर्भात जोरदार पावसाचा अंदाज दिला आहे. नागपूर, भंडारा आणि गोंदीया या ३ जिल्ह्यांमध्ये काही ठिकाणी जोरदार ते अतिजोरदार पावसाचा रेड अलर्ट हवामान विभागाने दिला. तर अमरावती, वर्धा, चंद्रपूर आणि गडचिरोली या ४ जिल्ह्यांमध्ये काही ठिकाणी जोरदार ते अतिजोरदार पावसाचा ऑरेंज अलर्ट हवामान विभागाने दिला. विदर्भातील इतर जिल्ह्यांमध्येही काही ठिकाणी जोरदार पावसाची शक्यता आहे. 

कोकणातील सर्वच जिल्ह्यांमध्येही काही ठिकाणी जोरदार पावसाचा येलो अलर्ट देण्यात आला. मध्य महाराष्ट्राच्या घाटमाथ्यावरही जोरदार पावसाची शक्यता आहे. खानदेशातील ३ जिल्हे तसेच मराठवाड्यातील छत्ररती संभाजीनगर, जालना जिल्ह्यातही काही ठिकाणी जोरदार पावसाचा अंदाज आहे. मराठवाडा आणि मध्य महाराष्ट्रातील इतर जिल्ह्यांमध्ये काही ठिकाणी हलक्या सरी पडतील, असाही अंदाज हवामान विभागाने दिला. 

उद्याही विदर्भात पावसाचा जोर कायम राहण्याची शक्यता आहे. नागपूर, चंद्रपूर, भंडारा, गोंदीया आणि गडचिरोली जिल्ह्यात काही ठिकाणी जोरदार ते अतिजोरदार पावसाचा ऑरेंज अलर्ट हवामान विभागाने दिला. बुलडाणा, अकोला, अमरावती, यवतमाळ, वाशीम आणि वर्धा जिल्ह्यात काही ठिकाणी जोरदार पावसाचा येलो अलर्ट हवामान विभागाने दिला. रत्नागिरी, रायगड आणि कोल्हापूर जिल्ह्याच्या घाटमाथ्यावरही काही ठिकाणी जोरदार पावसाची शक्यता आहे. तर मध्य महाराष्ट्र आणि मराठवाड्यात पावसाचा जोर कमी होऊन काही ठिकाणी हलक्या सरी पडतील, असा अंदाज हवामान विभागाने दिला. 

शुक्रवारी विदर्भातील अमरावती, वर्धा, नागपूर, चंद्रपूर, भंडारा, गोंदीया आणि गडचिरोली जिल्ह्यात काही ठिकाणी जरदार पावसाची शक्यता आहे. तर मराठवाडा, मध्य महाराष्ट्र आणि कोकणात काही ठिकाणी हलका पाऊस पडू शकतो. शनिवारी विदर्भातील यवतमाळ, चंद्रपूर आणि गडचिरोली जिल्ह्यात काही ठिकाणी जोरदार पावसाची शक्यता आहे. मराठवाडा आणि खानदेशात काही ठिकणी हलक्या ते मध्यम पावसाचा अंदाज आहे.