Pune News: माॅन्सूनने आजही देशातील अनेक भागात चाल केली. माॅन्सून गुजरात पार करून राजस्थानमध्ये पोचला. माॅन्सून पुढील २ ते ३ दिवसांमध्ये आणखी काही भागात पोचेल. तसेच विदर्भासह कोकण आणि मध्य महाराष्ट्रात तसेच मराठवाड्यातील काही भागात पुढील ५ दिवस जोरदार पावसाचा अंदाज हवामान विभागाने दिला. 

राज्याच्या अनेक भागात माॅन्सून सक्रीय आहे. विदर्भातील अनेक भागात पाऊस हजेरी लावत आहे. विदर्भातील बुलडाणा, अकोला, अमरावती, वाशीम, यवतमाळ, वर्धा, नागपूर, चंद्रपूर, भंडारा, गोंदीया आणि गडचिरोली जिल्ह्यातही पुढील ५ दिवस काही ठिकाणी जोरादार पावसाची शक्यता वर्तविण्यात आली. 

कोकण आणि मध्य महाराष्ट्राच्या घाटमाथ्यावर जोरदार सरी पडत आहेत. कोकणात पुढील ५ दिवस काही ठिकाणी जोरदार पावसाचा अंदाज आहे. तर मध्य महाराष्ट्राच्या घाटमाथ्यावरही मुसळधारेची शक्यता आहे. खानदेशातील तीन जिल्ह्यांमध्ये आज आणि उद्या जोरदार पावसाचा अंदाज आहे. तसेच मराठवाड्यातील इतर जिल्ह्यांमध्ये हलक्या ते मध्यम पावसाचा अंदाज देण्यात आला आहे. 

माॅन्सूनने आज संपूर्ण गुजरात व्यापला. तसेच संपूर्ण छत्तीसगड आणि झारखंडही व्यापाला आहे. राजस्थानच्या काही भागातही माॅन्सून पोचला आहे. तसेच मध्य प्रदेशचा काही भाग, पूर्व उत्तर प्रदेशचा काही भाग आणि बिहारच्या काही भागात माॅन्सून पोचला आहे. माॅन्सूची सिमा आज बारमेर, जोधपूर, जयपूर, ग्वालिअर, खजुराहो, सोनभद्रा आणि गया भागात होती. 

माॅन्सूनच्या वाटचालीसाठी पोषक हवामान आहे. त्यामुळे पुढील २ ते ३ दिवसांत माॅन्सून राजस्थानचा काही भाग, मध्य प्रदेशचा आणि बिहारचा उरलेला भाग, उत्तर प्रदेशचा काही भाग तसेच उत्तराखंड, हिमाचल प्रदेश, जम्मू-काश्मिर-लाख-गिलगीट-बाल्टीस्तान आणि मुझफ्फराबादच्या काही भागात माॅन्सून पोचेल, असा अंदाज हवामान विभागाने दिला.