Pune News : उन्हामुळे दुपारी घराबाहेर निघणे मुश्किल होत आहे. राज्यात उन्हाचा पारा चांगलाच वाढला आहे. बहुतांशी भागात दुपारचे तापमान ४० शी पार करण्याच्या दिशेने वाटचाल करत आहे. तर अनेक ठिकाणी तापमान ४० अंशाच्या पुढे सरकले आहे. हवामान विभागाने विदर्भात उष्णतेच्या लाटेचा इशारा दिला.

दक्षिण महाराष्ट्रात आज काही भागात ढगाळ वातावरणासह काही ठिकाणी किरकोळ पावसाची शक्यताही हवामान विभागाने दिला.

विदर्भात उन्हाचा पारा चांगलाच चढला. आज अकोला, चंद्रपूर आणि यवतमाळ जिल्ह्यात काही ठिकाणी उष्णतेच्या लाटेचा ऑरेंज अलर्ट हवामान विभागाने दिला.

अमरावती, नागपूर, वर्धा जिल्ह्यात काही ठिकाणी आज उष्णतेच्या लाटेचा येलो अलर्ट हवामान विभागाने दिला. तर उद्या यवतमाळ, वर्धा, नागपूर आणि चंद्रपूर जिल्ह्यात काही ठिकाणी उष्णतेच्या लाटेचा येलो अलर्ट हवामान विभागाने दिला.

विदर्भातील अकोला, अमरावती, ब्रम्हपुरी, चंद्रपूर, नागूपर, वर्धा, यवतमाळ, मालेगाव आणि सोलापूर जिल्ह्यात तापमान ४० अंशाच्या पार पोचले. राज्यात वाढत्या उन्हामुळे दुपारी घराबाहेर पडणे अशक्य होत आहे. राज्यातील तापमानातील चढ उतार कायम राहतील, असा अंदाज हवामान विभागाने दिला.