Cold Weather Agrowon
हवामान

Cold Weather Update : उत्तर महाराष्ट्राला पुन्हा हुडहुडी

अमोल कुटे

Pune News : अंशतः ढगाळ हवामानामुळे राज्याच्या किमान तापमानात चढ-उतार सुरू आहे. पारा घसरल्याने उत्तर महाराष्ट्राला हुडहुडी भरली आहे. धुळे येथील कृषी महाविद्यालयात पारा यंदाच्या हंगामातील नीचांकी पातळीवर पोचला असून, ६.३ अंश सेल्सिअसची नोंद झाली आहे. आज (ता. २३) मध्य महाराष्ट्रासह राज्यात गारठा वाढण्याची शक्यता हवामान विभागाने वर्तविली आहे.

उत्तर भारतात थंडीचा कडाका कायम आहे. सोमवारी (ता. २२) मध्य प्रदेशातील दातीया यथे देशाच्या सपाट भूभागावरील नीचांकी २.८ अंश सेल्सिअस तापमान नोंदले गेले. पंजाब, हरियाना, चंदीगड, दिल्ली, उत्तर प्रदेश, मध्य प्रदेशात किमान तापमान ३ ते ७ अंशांच्या दरम्यान आहे. उत्तर भारतात धुके, थंडीची लाट, थंड दिवस ही हवामान स्थिती कायम आहे.

उत्तर कोकण आणि परिसरावर समुद्र सपाटीपासून १.५ किलोमीटर उंचीवर चक्राकार वारे वाहत असून, दक्षिण अंतर्गत कर्नाटकपासून विदर्भ ते छत्तीसगडपर्यंत हवेचा कमी दाबाचा पट्टा सक्रिय आहे. यामुळे राज्यात ढगाळ हवामान होत असून, विदर्भात तुरळक ठिकाणी पावसाला पोषक हवामान आहे.

उत्तर महाराष्ट्रात हुडहुडी वाढली असून, धुळे येथील कृषी महाविद्यालयात हंगामातील नीचांकी तापमानाची नोंद झाली. यापूर्वी निफाड येथील गहू संशोधन केंद्रात १६ जानेवारी रोजी ६.५ अंश सेल्सिअस तापमान नोंदले गेले होते. सोमवारी (ता. २२) निफाड येथे ८.८, तर जळगाव येथे ९ अंश तापमानाची नोंद झाली. उर्वरित राज्यात किमान तापमानाचा पारा १० ते १८ अंशांच्या दरम्यान आहे. राज्याच्या किमान तापमानात घट होत गारठा वाढण्याची शक्यता आहे.

सोमवारी (ता. २२) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे २९.७ (१२.१), धुळे २७.० (६.३), जळगाव २७.७ (९.०), कोल्हापूर ३१.१ (१७.१), महाबळेश्वर २६.२ (१३.५), नाशिक २७.६ (११.६), निफाड २८.१ (८.८), सांगली ३१.६ (१७.७), सातारा ३१.२ (१४.५), सोलापूर ३३.६(१७.६), सांताक्रूझ २८.६ (१२.६), डहाणू २९.३ (१६.५), रत्नागिरी ३०.५ (१७.८),

छत्रपती संभाजीनगर २८.५ (११.५), नांदेड २९.४ (१६.६), परभणी २९.३ (१४.८), अकोला २९.४ (१२.८), अमरावती २८.६ (१४.३), बुलडाणा २७.० (१२.४), ब्रह्मपुरी २९.० (१७.१), चंद्रपूर ३०.० (१६.०), गडचिरोली २८.२ (१४.२), गोंदिया २५.२ (१२.९), नागपूर २७.६(१४.४), वर्धा २९.५(१५.५), वाशीम २९.४ (१२.४), यवतमाळ ३०.५ (१५.०).

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Onion Farming : अतिवृष्टीमुळे कांदा रोपवाटिकांची अवस्था बिकट

Soybean Procurement Center : मंचर बाजार समितीमध्ये लवकरच सोयाबीन खरेदी केंद्र

Pune Rain : धरणक्षेत्रांत पावसाच्या जोरदार सरी

National Water Awards : पाचव्या राष्ट्रीय जल पुरस्कारांवर महाराष्ट्राची छाप

Greenhouse Project Inaguration : वाण विकासासाठी हरितगृह फायदेशीर : डॉ. पाटील

SCROLL FOR NEXT