Rain Alert : माॅन्सूनने अखेर देशाचा निरोप घेतला. संपूर्ण देशातून माॅन्सूनने माघार घेतली. तर बंगालच्या उपसागरात कमी दाब क्षेत्राची निर्मिती होत आहे. तसेच हवामान विभागाने आज आणि उद्या राज्यातील काही भागांमध्ये विजांसह हलक्या ते मध्यम पावसाचा अंदाज दिला.

हवामान विभागाने आज राज्यातील पाच जिल्ह्यांमधील काही ठिकाणी पावसाची शक्यता व्यक्त केली. सिंधुदूर्ग, रत्नागिरी, कोल्हापूर, सातारा आणि पुणे या जिल्ह्यांमध्ये विजांसह हलक्या पावसाचा अंदाज हवामान विभागाने दिला. उद्याही याच जिल्ह्यांमध्ये विजांसह काही ठिकाणी पावसाचा शिडकावा होण्याचा अंदाज आहे.

माॅन्सूनने आज देशाचा निरोप घेतला. आज म्हणजेच १९ ऑक्टोबर रोजी माॅन्सूनने संपूर्ण देशातून माघार घेतली. आता आग्नेय माॅन्सून पुढील ७२ तासांमध्ये दक्षिण द्वापकल्पात सक्रीय होण्याची शक्यता आहे. मध्य अरबी समुद्रात कमी दाब क्षेत्राची निर्मिती झाली आहे. याचे पुढील २४ तासांमध्ये ठळक कमी दाब क्षेत्रात रुपांतर होण्याची शक्यता आहे. अरबी समुद्राच्या मध्य भागात कमी दाब क्षेत्राची निर्मिती होण्याचा अंदाज आहे.