Pune News : किमान तापमानात घट होत असल्याने गारठा पुन्हा वाढू लागला आहे. मात्र अद्यापही थंडी कडाका कमीच असल्याचे चित्र आहे. आज (ता. २३) किमान तापमानातील वाढ कायम राहण्याचा, तर उद्यापासून (ता. २४) किमान तापमानात काहीशी घट होण्याची शक्यता हवामान विभागाने वर्तविली आहे.

राजस्थान आणि परिसरावर चक्राकार वाऱ्यांची स्थिती कायम आहे. वायव्य भारतात १४५ नॉट्स वेगाने पश्‍चिमेकडील जोरदार वाऱ्यांचे झोत कायम आहेत. एकामागोमाग येणाऱ्या पश्‍चिमी चक्रवातांमुळे थंडी पुन्हा वाढू लागली आहे. बुधवारी (ता. २२) पंजाबच्या आदमपूर येथे देशाच्या सपाट भूभागावरील नीचांकी ३.८ अंश सेल्सिअस तापमानाची नोंद झाली.

राज्यात थंडीचा कडाका कमी झाला असून, किमान तापमान कमी-अधिक होत आहे. अनेक ठिकाणी पहाटे धुक्याची दुलई पाहायला मिळत आहे. बुधवारी (ता. २२) परभणी येथील वसंतराव नाईक मराठवाडा कृषी विद्यापीठात राज्यातील नीचांकी ८.५ अंश सेल्सिअस तापमानाची नोंद झाली. तर धुळे आणि निफाड येथेही तापमान १० अंशांच्या खाली होते. तर राज्यात अनेक ठिकाणी किमान तापमान पुन्हा १५ अंशांच्या खाली आले आहे.

उन्हाचा चटका कमी-अधिक होत असतानाच, बुधवारी (ता. २२) सकाळपर्यंतच्या २४ तासांत सोलापूर येथे ३५.१ अंश सेल्सिअस, ब्रह्मपुरी येथे ३५ अंश सेल्सिअस तापमानाची नोंद झाली. आज (ता. २३) कोकण, मध्य महाराष्ट्र, मराठवाड्यात ढगाळ हवामान होण्याची शक्यता असली तरी उद्यापासून (ता. २४) आकाश पुन्हा निरभ्र होत किमान तापमानात २ ते ३ अंशांनी घट होण्याची शक्यता हवामान विभागाने वर्तविली आहे.

बुधवारी (ता. २२) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

ठिकाणे---कमाल---किमान

पुणे---३२.४---१३.५

अहिल्यानगर---३१---निरंक

धुळे---३०---९.५

जळगाव---३१.४---१३

जेऊर---३३.५---१२.५

कोल्हापूर---३१.२---१७.५

महाबळेश्‍वर---२७.७---१५.४

मालेगाव---२७.८---निरंक

नाशिक---३२.१---१२.८

निफाड---२९---९.२

सांगली---३२.७---१५.४

सातारा---३२.२---१४

सोलापूर---३५.१---१४

सांताक्रूझ---३३.५---१८.३

डहाणू---२९.२---१८.१

रत्नागिरी---३३.५---१८.६

छत्रपती संभाजीनगर---३२---१४

धाराशिव---३०.७---१२.६

परभणी---३२.०---१२.९

परभणी (कृषी)---३०.५---८.५

अकोला---३३.१---१४.३

अमरावती---३२.४---१४.६

भंडारा---३०.८---१४.६

बुलडाणा---३०.६---१६

ब्रह्मपुरी---३५---१२.४

चंद्रपूर---३०.६---निरंक

गडचिरोली---३२.२---१३

गोंदिया---३०.२---१४

नागपूर---३१.६---१३

वर्धा---३१.७---१४

वाशीम---३२.६---१७.६

यवतमाळ---३१.०---१३.२

१० अंशांपेक्षा कमी तापमान असलेली ठिकाणे :

परभणी (कृषी) ८.५, निफाड ९.२, धुळे ९.५.